Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Zomi leh I Maban

Pasian in a tate thungetna hong dawngin, i gam thupha hong pia a, kong kihongin i khangto mahmah ta hi. Khantohlam amanawh ihi pan a, mailam ah khantoha nang lampi tung tawn a kipan ihi hi. I khantoh nang lampi tung ah i kalsuan thak ding kisam kasak kal 5 te kong hawmsawn nuam hi.

1.Kalkhatna: Nungzuih Siamna:
Menzipi Pu On Za Pau in, “eimi sung I kisap thu in " Hero"  kisam hihang”1 ci hi. Hero kisapna pen Makai kisapna ahi hi. Makai ih kisap ban ah, nungzuih siamna zong ikisam hi. Tua ahih manin, biakna lam hita leh leitung thu ah hita leh, makai ding a ikoihte, thu manzawh ding kisin huai ding hi. Makai nuam i tamlua hi. Makai khat min hong ngahpian leh alang pan nuam ikituhhi. Makai khat lehdo ek, langpan ek, cih lam isiam hi. Eisang pilzaw, khuamu zaw, ngaihsun zaw, veizawte nungzuih siam ding kisin huai hi. Makai siam leh nungzuih siam in, khantohna ahi hi.

Pawlpi upa khatin a pawlpi siapa uh Doctor, sinna tawh angah tatak pen hawmthawhin hai sa mahmah hi. Pawlpi sumpi meetbawl theilo sa hi. Biakinn ding geelna ah, siam sa lo hi. Mikhat in nakhempeuh theikim siamkim lo ahih manin, Sawltak Paul in Pumpi tung nate tawh hong genteh ahi hi. Siapa a sang kahna University in Doctor apiak ciangin cina apiak ahi hi. Sum zeek siam, biakinn ding geelsiam upa pa pen siapa ading Pasian piak pumtung na ahi hi. Ei dinmun ciat kitheih siamna lam ah khantohna ikisam hi. Suangpi-suangneu in thek ci hi. Kihawmthawh, kilangpan lam hi lo-in, kipanpih, tha kipia, kithupi sim ciat, lamah kalsuan ding i maban ahi hi.

2.Kal Nihna : A Khen hilo, a gawm (Not Exclusivism but Inclusivism)
Kawlgam misimna (census) ah, Zomi tengin Zomi gelhciat ni ci-in makaite in hong makaih uh hi. A gelh le gelh lo i om hi. Gelh lobek hi lo, a langpang i om hi. A gelhte zong Zomi hi a, agelh lote zong Zomi mah hi. Zomi ihihna kilaih thei lo hi. ZBC pan CBC ah kilaih thei bek hi. Zomi kawl lukhupi nuai ah ih code neihsa teng pumkhatin omding a ci ihi hi. Zomi gelh lote zong gelh lohna ahang tuam tuam om ciat hi ding hi. Kheltatna tawh lang pangin akaltat kaltang tezong Zomi mah hi veve hi. Zomi te pen, mailam ah a kikhen lamding hi lo, a kigawm lading ihi zaw hi. Gamvai kalsuannate ah kihuai, kigawm siamin kalsuan lehang, mi nuai ah om lo ding hihang. Mi nungdelhte pan, mi’ nungdelhte ihi ding hi. Biakna makai, gam makai te in hih thutawh hong makaih dinguh ilamen hi.

Menzipa gelhna ah, pawlpi itamna zong ahangkhat in gen hi. Hi kasa hi. Mailam ah pawlpite zong Upna thu khat lobuangah, a kikhenlam pan a kigawmlam ah ciah kikleng, igamin khantoh lawh dingin ka lamen hi. Beh zong itam mahmah hi.( 1. Internet News: Banghang in Eimite Picing thei lo?) a, tuhun teh abulpi lam kizong kikin ikigawmkik kik ta hi. Hih hangin ki-it kingaihna khangto zaw hi.

3. Kal 3 na: Ngalkhaat in a suul lui lamnga in lum:
Khanglui kamzat khat hi a, Ngalkhaat a lup ciangin a suullui lam nga-in lum ci hi. A suul zui a gal paiding kiging khol ahi hi. Eizong Ngalkhaat tungpan i sinding thu in, imanawt kawmin a kalsuanna sate ki enpha kik dending ahi hi. Kipuah huaite kipuahin, iguallelna sa tepan kipuahpha-in, mailam imanawt ding hi. I khialhnate, khial ingh cihngamna in gualzawhna ahi hi. Picinna leh khantohna kipatna ahi hi.

4. Kal 4na: Sakhi in a tatnang kuamkua khual:
Sakhi tungpan isin ding thu in, thukhualin, sau-etin, zai-et mahmah ding cihna ahi hi. Thu saukhual mahmah ding cihna ahi hi. Kawlgam Democracy kalsuanna thak sung ah, ipanna, idinmunte bangciang lawhcing a bangciang lawhsam i hiam cih ki-et zeel ding kisam hi. India gamah minam khat, kumpi’ vaihawm kici khempeuh langpan sawm uh hi. Democracy gam ahih manin ahithei thu hinapi, amau adingin phattuamna bangmah om lo hi. A hithei khempeuh hih ding hi lo a, kimanna nei tebek ah maa panhuai bek hi.

5. Kal 5 na: Nupi galzawh:
Khangluite paunak ah Nupi galzawh cih na zangh uh hi. Nupi ten gal azawteh tuanpeek gawpin khuadak non lo-in, khengval lua cihna hi. Leitung thu ah hita leh Biakna thu ah hitaleh, igualzawh deuh, daupai deuh hun, lawhcin deuh hun om a, lawhsap deuh, gual lelh deuh kisak hun om hi. I zawh laitakin zong Nupi galzawh lo-in, ilelh laitakin zong alelsuak ding kisak loh ding thupi hi. Makai tavuan khatpeuh hong kipiak ciangin muanna tawh hong kipia ahih mahbangin , muan bang a sepding ahi hi. A semden ding ihih lohna phawk kawmsa in sephuai hi.

2010-2011 kum pen leitung kumpi kikheel hunin kiciamteh hi. Leitung kumpi 11 te’ kikheel kum ahi hi. A thuneih sungun, apuk zo loding, a kiam thei non lo ding kisa uh hi. A kiat uh ciang in, hehpih huai, cikzet huai thei mahmah uh hi. Zawh hun om a, lelh hun om hi. Khan hun om a, kiat hun om hi. Nupi galzawh kei ni. Zomite, i maban sut ding tamlai hi. Sut ciatni. Kisin sawm ciatni. Ih mailam nibangin taang hi. A zawngpen gam pan a haupen gamzong a suak thei ahi hi. Ih muhna ingiimna sausak, gamla sakin, thusau khualin, lomhtat ding i maban ahi hi.

By: Rev. Dr. Thuam Khan Thang
Tedim, Zogam

  • comments