Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Laibung Khua Mencipna le Dawi Hawlkhiatna

laibung khua cim
 
2015 July sung ni 10 val guahciin aa, Weather Focust te in KuminTyphon huihhual Bangle tuipi pan hong lutna hanghi cihi.Geologist te muhna ah Khamtung gampen leinip lua ken lua in acim zel hi ci hi. Pasian nasem te mawhna leh mipi te mawhna hang hi pawl khat in ci uhhi. Ih paunak ah ' Sih ciang paulap zong' na kici hi. Tua manin hih Laibung khua cipna pen pawl khatte in Laisiangtho tawh kituaklo dawi hawl khiatna hang hi dingin gen uh hi. 
 
2013 kum in evangelist sia khatin dawi biakna beita hi ci-in, Khuasiam (tual) biakna song kiphut phuktan ahih manin, khua gei a luipi nasiatak khangin hydroelectrict power house leh concrete leipite tui-in taikhia mang hi. 2014 kum khuakhal sungin Full Gospel te in crusade bawl leuleu in, lei kisia khempeuh siklei hoih mahmah tawh bawlsak in meiset zong kumpi in athak lam kik sak hi. 2015 March sungin thusuak dawinot Naga te Sia Sian leh alawmte in Cimnuai hun ma pek aa kizang Khuasiam (tual) biakna suangte lumlet in paikhia gawp uh a, tua munah Keel go in dawi hawlkhia uh aa steel sikkhuam tungah singlamteh lim tuang dialkhai (flag) khai uh hi. Tukum 2015 ciangin Laibung khua pen guahtui tam luatna tawh nasiatak mincim kham ziahziah ahih manin, a mu khempeuh in cikzia in upmawh sangin kisia zaw lauhuai lua ci uh hi.
Laibung Khua Tangthu:
 
Laibung kici pen India gamgi aa om Hmar mite pau hi a, sanggam bul (laizom-laiguizawng) cihna ahi hi. Zangtui hausa lui Pu Thawng Za Cin in Teizang mite Cimnuai le Luika akitun ma in Laibung ah kiteng ngei ci hi. Tua khit ciangin Hatzaw te Pu Teel Pau khan hun dong khangto in minthang mahmah uh hi. Sihzang te tawh kipawl in Kawlte sim in zogawp uh aa Laibung atun ciangin, "Laibung Ngaalla" sa in kidawntuah uh hi. Sihzang tengin akhua uh atun ciangin tua laa sa in pawi bawl uh a, tudong in Laibung ngalla aphamawh in sa uh hi.
 
Pu Teel Pau hun lai in Dimpi te in a ziltui (Dim Ci al) huanna pan gamkang sak in phelhlo uh a, Laibung gam Khamsau ah besiang kung kiciing tampi kangtum hi. Kiliausak ta leh liau nuam tuanlo ahih manin a hausapa kiangah tuangdung pia aa apuak laitak suamlum mang uh hi. Tua mun pen tudong Dimlui kici hi. Dimpi te in kilemna sial tawh lut in upa Kim Thang in taanglai tualsuang phah tungah zu ne atut laitak tualsuang pi 1/2 asah pen kitam hi. Pu Tel Pau pen a tute Kop Thang le Thang Kop te tawh thusia kineih uh aa Suanzo (Tuigo luipiau) te galcial in Laibung khua asim ciangin khua bei lawh hi. 1918 kum ciangin Laibung khua kisat kik aa tanglai ateng masate zatsa tualsuang lui te zang kik in kumsim khuasiam (tual) biakna bawl uh hi.
 
A Lauhuai Tualbiakna:

 

1920 pawlin Pu Kham Ngen in thaituh zawh ni sawm zunek ni in zekai luasa in 'hih zu ka neek leh Laibung khua siam in hong denglum hen' ci hi.A lawm te in komau khialhna hi ci in manlangtak zu leih in amah pansak uhhi. A neek khit ciang ciahpah aa tua zan in suangtuk in alupna tungah denglum hi.

A naupa Pu Thuam Ngin in laaphuah a;

Ciinhang thaamna kenliang Lumsuang kaih mi-in na luang hen aw..Kaih mi in na luang hen laa, melmuh lohin thangdamtui in luang hen aw

C
A pu Kai Ngin ih laaphuah:
 
Kenliang lumsuang sawn na thamna lahmei bang ten zo ing. Sang hihen aa lal hi le pawh khuamual ah suah zo ing.
 
Khatvei tualbiakna sial a gawh khit ciangin tual tanu khat in amulte meitawh hal aa khial (zehphit) ahihmanin thoih pha kik uh hi. Tua kum in misi thaulot na pan innkang aa inn 7 dong kilawh hi.Pu Phut Zel in phuisam in aktui tawh aden leh meimit pah ci hi. Khat vei tualbiak na sane ding akipat laitak in pasal khat in,"min nai ding hiam, sahang kisa na hiam?" a cih leh tua kumin sahang laangin Sial tampi petlum hi. Guahzuk hak ciangin guahtui ngetna , ankung hoihna, mipi cidamna, hauhna, gal kidalna, kilemna cihte a ngetna ci u hhi. Tua tawh kisai Phuisam na;

"Ka khua na siam in, ka tui na siam in,ka mual na siam in,ka lui na siam in,...cidam in siamin, meisan na dal in sanpisanno na dal in, .. sumlam siallam in siam in ...mim cipha taang cipha kong getna .zu masa hong pia ing sa masa hong pia ing.." cih bangin sam uh hi.

Dawi Hawlkhiat zia Tuamtuam (Biblical View)
 
Jesus Christ in cidamlo dawi bawlsiat mite sung pan dawi hawlkhia aa anungzui te thu um mite khempeuh tungah dawi hawlkhiat ding thupia hi,dawi hawlkhia in cina te damsak hi.(Mt.8:28; 17:14-21;Mk.1:23-27, 39; 9:27; Lk.4:33-35,41; 6:18;9;1-2,39-43; 10:17-20; 13:11-13...etc)
(a) Antan thunget bek tawh akinot zo dawi pawlpkat om hi (Mt.17:21).
(b) Dawi te akihawlkhiat ciangin omna ding kisamin munpiak akul pawl khat om hi.Jesus in dawilut puansilh lo hanlak ah ateng sikkol abotsat zo dawilut pa sungpan dawi anawhkhiat ciangin aom na ding uh mun gen aa vok sungah lutsak hi (Mk.5:2-17; Lk. 8:26-34).
(c) Jesus umlo neilo te in dawi anawh hangin dawite paikhialo lau lo, bek thamlo in na buan gawp uhhi (Sawlt.19:13-16).
(d) Dawi akihawlkhia khin mikhat in Pasian thu tawh kidim in hoihtak anuntak kei leh agilo zaw dawi 7 lut kik thei hi (Lk. 11:24-26).
(d) Jesus, Pasian Tapa ih sisan vanglian bek in dawi te leh dawi vangliatna te akipan ih natna te hongdam sak thei ahihmanin sasisan (ganhing sisan ) te thu um mite adingin dawi hawlkhiatna ah kisam nawnlo hi.
(e) Khua siansuah na dingin khua sung aa teng mite khempeuhin a mawhna uh pan kisik kik in dawi tawh kipawl lungsim leh gamtatna te nusia ding uhhi (Jonah 2:5-10).
 
Pasian Khasiangtho tawh kipawl gamtatna, lungsimkampau na ih neih na ding hong kibawlpha te ih hihhi (Eph.2:10). Dawite pen salu hawm, vanzat tuamtuam te, man (photo)... atuamtuam sung ah omlo in ci le sa deihna zuihna sung ah om zaw hi (Gal. 5:19-21).

By: Rev. Kam Do Thang, Yangon
  • comments