Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Khedan' Hong Piak Nuntakna Thugil Nam (4)te

12019930 478489702329855 7994859091803842086 n(1) Natna satnate in Nuntakna ah Thuakzosak / hiamzum den hi. (Pain always sharpen you):

LST Thuhilhna 7:3 sungah,“Nuihna sangin dahna hoihzaw hi. Na mai hong gum sak zahin thutheihna hong khang sak hi.” Lai-at hoih nading le akitelna dingin a mawl khedan muk kihiamzum hi. A tung tuam singnipte a ki-at khiat mah bangin nuntakna ah i tuahkhak haksatna le liammate in i thakhauh zawk nading le i hoihzawk nading ahih manin, lungkiat thanem ding hilo hi. Guallehna, haksatna le lungkhamna te pan pilna ngah sawm in la, tuate tungtawn in mimal khantohna dingin le a sangpen dong ah kah zawh sawm zaw in.

(2) Na sepna khat peuh in khekhap nei hi.(Everything you do leaves a mark):  Zomite in,“ Zuau in a khap tawn”, cih leh Ciimnuai aa sa kibak Geeltui ah kithuk “ci’n paunak i nei hi. Mite' muhna leh muhlohna munah ahi zong, mizawng khat tung ahi a, mihau khat tung ahizong…. nasepna khat peuh in khap /sulnung nei cihna ahi hi. Tua hi-in thumanna, cihtakna, thupha bawlna cihte khahsuah ngei kei in. Na sepna khat peuhpeuh in khap/ sulnung nei hamtang hi.

(3) A kizang taktak in a puatham hilo zaw in a sung aa om pen ahi zaw hi. (What’s inside you is useful, not what’s outside): A puansilh, a khutbulh, a khi, a melhoihna cih a puatham kizepnate sangin a sungtawng aa om a lungtang thupi zaw hi. Lungsim hoih, lungsim picing, itna tawh kidim mawhmai sakna lungsim in mihingte khat le khat kizopna le kikholhna hong nuam sak zaw hi. Sum le pai, taih inn mawtaw leh kizep na tuamtuamte hangin mihingte kizop/kitheihna in a puatham bek hi aa, a khankhomlo le akiplo ding thu ahi hi.

(4) Na khialhnate suphiat in la kiphuahpha In. (Erase your mistakes and correct it.):  Ezekiel 18:28 “Amah in a gamtatna phawkin a mawh bawlna khawl hi. Tua ahih manin amah si hetlo ding a, nungta paisuak ding hi.” Lai at khialhnate a man in puahphat kik theihna dingin khe-phiat (eraser)kikoih hi. Leitung ah akhial ngeilo mi, akicing sitset mi kuamah omlo hi. Tua hi aa khial ing, mawh ing...ci aa thumthum ding lu kunkun ding hilo zaw aa, i khialhnate pan pilna lak siam ding leh i theih thuman lamah kikhel ding le kipuahphat ding bek akisam ahi hi.

By: Nk Khanno

Edited and Posted: Tongsan Media Group

  • comments