Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Zomi Party ZCD Mah Thapia Ni

AIbEiAIAAABDCPqAssX0x9rZQCILdmNhcmRfcGhvdG8qKGJkNmEyZTE0OTZjNjI2OTcwYjQ2OGQ0YWVhOWJlOTFiZTk3ZGEzZjkwAVLY1KhSIJzIAiHmu sTEhzk2fKUHong tung ding November kha ni (8) ni ciang akinei ding Kawlgam buppi kiteelna vai tawh kisai theihhuai a thupi mahmah khat hong kuppih nuam ingh. NLD Makaipi Daw Suh Kyi in NLD Campaign khat ah athugenna Kawlte khat in facebook ah a hong suan (post) "video" ka ngaihkhak khat, ei Zomi mee khia-thei ding khempeuh in zong theihhuai bek thamlo, theihloh phamawh/ kuul sangiat ka hihmanin hong pulak khiasawn ka hihi.

Daw Suh Kyi' genna ah:"Tutung kiteelna pen Kawlgam bekah hilo Leitungg buppi nangawn ah a omzenlo or a-omngeilo zah dektak-phial khat ahihi,"ci hi. "Ahangin UNO te' hong vaihawmpih [nungkum 2014 Census 914-Zomi Census ih cih ngeeingaai meizom] ahihmanin kikhemtheih omlo ding, a zo party peuhpeuh zong kumpi-zaa kipianuamlo/kisemsaklo cih bang om theilo ding ahih manin, tutung kiteelna bek/kiaa in Kawlgam buppi' mailam thu ahong khen taktak ding ahihmanin hoihtak ngaihsun pha mahmah un Democracy na deihvua, na khantohna na lunggulh takpi uh leh NLD party mee hong pia un" ci ngeungau mawk hi. Mee khiat dan ding zong tulaitak-a kumpi-semte' party ahilo, party dangdangte' ading-a akikhial baih mahmah leh akisanglo meetang/pe-mee asuak baih dingin seal-tup na'ng a muntoi mahmah/akwet neu mahmah ahihman ci-in ahihdan ding limtak in avan ngiat tawh stage tungg pansan-in lak ciatciat hi.

Tua ahih manin ei Zomite'n zong ih Zominam adia mipi-in ma ih pantheihna ih chance tu tungg bekbek mah hun omlai ahihna thei beklo, tel-in ZCD party bek mah panpih phawphot lai tapeuh ni cih tawh akizawn phanuam ih hihi. Daw Suh Kyi in "NLD party pen a MP mimalte en-konla, a party en-in mee hong pia phawphot un, Constitution puahpha/ laih nuam hi hangh" a cihdan ngei-in, Party dangte' MP te amimal-in muanhuai na sa zawphial uh ahizong-in ei Zomite'n ZCD party bekmah piak phawphot lai ding ahoihpen ahihman aa kigen phapha ih hihi. NLD in kumpi sem leh Federal-based Constitution Daw Suh in hong taksuahsak peelmawh ding-a, tua mun ah NLD nuai-ah lutpah sangin, NLD tawh kibeelpawl khawm party khat ah omna ahoihpen ahihna leh amau tawh ma apang khawm den ZCD bekmah ah Zomi te' mailam  adin lametna piicing le kipkho omhi cih ih theihtell-loh aphamawh ahihi.

Tua hi-a, ZCD lawhcing leh Zomi buppi ii mailam nibang taang-in, ih lunggulh khantoh na'ng lametnate hong taksuak ding-a: ZCD lawhsam leh Zomite' mailam khimbang aziing ding ahi anin namdangte'n hong awi in hong nuihsan hithiat lel ding hi, tuabang phal ding ih hihiam? TOPA'N TELSIAMNA THUPHA HONGPIA KIM HEN LA, ZOGAM NIBANG TAANGIN, HONG PAALLUN TA HEN!!!

By: Thang Hen ZOMI

  • comments