Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Suan le Khakte Gamh Hoih Koih Sak Ni !

10406517 809100215845385 3303332895826972519 nMihingte nuntakna pen khang khat khit khang khatin kizom toto a, I pu in ama khang kizom dingin suan le khak hong nei hi. Tua a suan le khakte kizom suksuk in ei khang ciang I tungsuk ta hi. Ei khang panin I khang kizom dingin suan le khak I nei suk leuleu ding uh-a, tua I suan le khakte na kizom suksukin leitung hun bei dong kizom ding ihi hi.

Mihingte in I suan le khakte luah ding gamh/go kideihsak in I neihsa, I lamsa khempeuh I kholsak hi. Adiakin Zomite zong I suan le khakte adingin gamh a kholsak nuam minamte ihi hi. I pu I pate in a suan le khakte ading hanciam takin nasem uh a, siikkang dolciial na lam sak uh hi. Thau mam thaukaa na nei uh a, khawi le vulh kicing ding na hanciam uh hi. Tua a zon, a khol van gilte pen a suan le khakte milakah a mai neu loh nadingun gamh/go in a nusiat dinga a zon sak, a khol ahi hi. Tua bek tham loin a biak a paai uh lungzai le pasian tungah cihtak uh hi. Tua banah gamtat hoihna cihte zong na ciing mahmah uh a, amau bawng min a siatlohna dingin na kem uh hi. Tua ahih manin “Hawm siam nungta, ne bum puksi” na ci liang uh hi.

Tuhun leitung kikhantophna  tawh kizui-in I lenna, I heina kidang man hiam Zomite in pu le pate hong nusiat I gamhte I hemkhia pianpian ta uh hi. Bangteng ahi zongin I suan le khakte ading gamh hoih nusiat sawm kik dih ni. Siikkang dolciial, thau mam thaukaa, khawi le vulh I nusiat zawhloh hangin, a nuai a thute bek nusiat zawh ding hanciam theih ahi hi.

1.  A nungta Pasian zahtakna tawh nuntakna,

2.  Thumaanna le cihtakna twah nuntakna,

3.  I ngeina hoihte theihtel na

4. I ngeina zia le tongte theihna,

5. I ngeina silh le teente manpha taka zattheihna

6. I pau I laite sim thei, gelh thei, pau theihna

7. Pilna siamna taktak neihna

8. Itna thukhualna lungsim neihna

9. Huaihamna lungsim pai khia-a, hawmsiamna lungsim neihna

10.U sung nau sung itna neihna…..cihte I nusiat thei hi.

Tua ahih manin, i suan le khakte gamh hoih penpente nusiat ciat dingin i biak Pasian in hong makaih hen.

 

By: Sia Do Mung (Mauvom), Tongsan Columnist, Yangon

  • comments