Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

A Picing Minam I Suah Theihna Ding (To be Historic and Prestige of Zomi)

11108368 1419136415074072 6821546842049937932 nZomite in i tangthu sutlo-gelhlo-ciamtehlo i hih manin kum (100) sung val bang khualzinna i neih khit nungah 2012 kum Kawlgam bup mi kisimna (2015-Census)ah i bil hong puaklek sakin, tua akipan i tangthute kan,gelh le kiciamteh hi. Gambup kiteelna(general election) ah Zomi min tawh i lut ciangin "Pasian khutma" tampi i mukhia thei hi.

Tu in MINAM kician/picing dinmun ah tungta i hih manin NGEINA (Culture-Custom) kician/picing zong i neih ding hong kisam ta hi. Hih munah ka gennop thubulpi pen Zomite in ngeina-picing/kician neilo hi hang cih thu hizaw in, i ngeinate koici kepsiam ding cih thu hizaw hi. Ngeina tawh kisai-in- Silh le teen, Zia le tong, nek le dawn, vanzat cihte ahi hi. A diakdiak in silh le teen vai tawh ki sai-in thupi tak ngaihsut ding kisam hi.

Bang hang hiam cih leh kum 2000s akipan leitung kizelhna (Globalization) hangin, Zomi hihna Ngeina te valh tum ding hong sawm ahih manin i ngeina Puan te in Idea-Design-Style- Fashion-Model- Idol cihte dongah kidemna i neito hi. Tua ahih manin Zomite zat ngeina puante (Zopuan-Zodial-Zonik Zokhi) cihte akipan Puandum- Puanlaisan- Tangcingh- Khephiau) cihte banghun- koimun ah bangci danin zang ding cih thute ngaihsut huai thu hong suak ta hi. Hihte i theihnop le ZOMI te SILH leh TEN vai tawh kisai in ih van zat 7natete Akhiat dan (Definition) neih ding kisam ta hi.

Gtn: Abeisa 2013 kumin NLD makaipi Daw ASSK- Tedim hong zintoh lai-in, Zomite NGEINA (culture) ah mi thupi/zahtak huaite i piak zel ahi Zopuandum khat kipia a, adang Puandum khat zindona/lengla khanah Sabuai puan phahin kinei cih thu om ngei hi. Daw ASSK in bangci danin a ngaihsun tam? Nang e le? Abeisa 2013 kum ZOLUS Magazine sungah "Tualsuak Zomi pan Akizel Zomi (from local ZOMI to Global ZOMI) cih article khat ka gelh ngei hi. Ka nu in hong gatsak Tualpuan hong sauvei teh akikekna munte abanban in hong thuap sak/phop sak ciangin a tawpna-ah, Tualpuan hihna (original) hong bei liang ta hi. Hih bangin Ngeina te zong i thuap/behlapna hong tam luat ciangin, Zomite Ngeina puan taktak koi zaw hiam cih kanzawh loh ding zah dong i tunlohna ding ngaihsut huai mahmah hi.

Feb 26, 2012 in Taxas, USA ah Marathon tai kidemna-ah Scott Downerd kici pa in akhatna ngah hi na pi'n "Marathon WINNER DISQUALIFIED" because he did not SIGN UP for the race. (A khatna ngah hi na pi'n a khatna ngahna ding cinlohna nei kik hi). Zomite MINAM PICING i suak khin ta a, NGEINA lamah ZERO i ngah nuam kei hi. Tua ahih manin ZOMI makai GZA lam pan maw ZOMI kipawlna khat peuhpeuh lam pan: THE ZOMI CULTURAL UPLIFT SOCIETY (ZOCUPS) or atuam dang cih khat tawh i Ngeina (Culture- Custom) te koici kep/zuun ding cih nong geelna ding un, minam / ngeina veiina leh zahtakna lianpi tawh kong thum hi. Laisim mimal kim Topan hong ompih hen.

Rev. Dr. Khup Lian Pau (Paubawi)

  • comments