Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Khangthak Zomite Hong Bumcip Taangthu

14993553 1738753259782919 3275491181164022930 n

THULAHNA (Theoretical Analysis):  Seen (Chinese/Cina/Sin) te-pen taangtawng peklaai-in mipil namlian nampite hi-a, anuai-a kumpigam ukna taangthu guipite nei diimdiam uhhi. (Wikipedia Encyclopedia) pan-a ka' kaihkhop sukpak ahihi. (Anuai nung pen-ah gencianna)

Xia Dynasty - BC 2070 - 1600 sung-a maang
Shang Dynasty - BC 1600 - 1050 sung-a maang
Zhou Dynasty - BC 1050 - 256 sung-a maang (west- and eastern)
Qin Dynasty - BC 221 - 206 sung-a maang
Han Dynasty - BC 206 - 220 sung-a maang (west- and eastern: 
akaal-ah Xin Dynasty AD 9 - 23 ciang maang-pak

Cao, Liu, Sun: Kumpi Thum maang: AD 220 - 280

Western Jin dynasty: AD 265 - 317
Eastern Jin dynasty: AD 317 - 420 
Southern and Northern Dynasties: AD 386 - 589
Sui dynasty: AD 581 - 618

Tang dynasty: AD 618 - 907

Five Dynasties and Ten Kingdoms: AD 907 - 960
Kingdom of Dali: AD 937 - 1253
Northern Song dynasty: AD 960 - 1127
Southern Song dynasty: AD 1127 - 1279
Liao dynasty: AD 907 - 916 - 1125
Jin dynasty: AD 1115 - 1234
Western Xia: AD 1038 -1227
Yuan dynasty: AD 1271 - 1368
Ming dynasty: AD 1368 - 1644 or 1662

Qing dynasty: AD 1636 or 1644 - 1911

Zomi taangthu suutsiam-a kinei honkhat-in hih Seente' gamkumpite' taangthu leh I' minam min hong vawhsawm uh-a, khangthak Zomite hong bumsawm uhhi. Hihpen akhial ahihna khatvei suutkhia kiik pakni: Zomite-in taangthu lamsang-ah naakpi-in bais (deihkaih) mahmah thei tawntung-a, khuate akisaat kum-khawngpen uut bangbang-in laihsuk laihto uhhi. Tua ahihziak-in khuasaat taangthute zaandiak thu ahikimlaai nangawn amuanhuai akician a-omlo zah-in Zomite kihehpihhuai mahmah-hi.

Atung-a gamkumpite' lak pan-in I' mi masate-in Zhou leh Qin hong bulmat penpen uhhi. Zhou Kumpi' maanhun-pen BC 1050 pan-a hong kipan hi-a, tua hun-in Zomite peuhmah genvet om naailo-hi. Zhou ukpite ahihleh kumpi bek hilo gamkumpi (emperor) dinmun-tawh gamukte hi-a, politics, social, warfare and welfare, ethics of war thei-uhhi. Amuh-ol ding-in, Zhou ukpite-pen tuma kum 3000 laai-a kumpi seem minamte ahi uhhi. Lai nei sinsen uh-a, kizep kipuahna leh kiteenna-a kipan akilawm ngeina kician anei diimdiamte ahihi. Tu-a Zomite-pen tua mite' suanlehkhaakte hilo-hi, banghanghiam cihleh (anuai-ah enkhawm-ni).....

Zomi khenkhat leh Laimi makaaipite-in alaakpipen Qin dynasty hi-a, Qin-pen awsuah (Chin) cih ciang-tawh Chin State-pen tua-min atamh/adap sa-kha ahihkeileh deihbawl uh-a, Qin pan-a tuaksuk suanlehkhaakte-in kigen uhhi. Hihpen akilawmlo deihkaihna hi-a, deihkaih cih nungsang zuaugen cihna ahihi.

Tu-a Zomite hitaleh Laimite hitaleh anihtuak-in Qin pan-a khangte hilo-hi, banghanghiam cihleh Qin ukpite BC 221 pan-a gamukpite asuak hi-in, siamsinna, kizep kipuahna, politics, social welfare and warfare asiam mahmah khinsate ahihi. Lai kician nei-in pau kician nei uhhi. Chin Hills dihdih-pen British colonist te' phuak hi-a, Seen-gam kuam kiim-a om ahihziak-in Chin Hills hong cihsak miau-uh ahihi. Chin Mualzungte cihna hi-a, pupa' laphuahte leh taangthu neihsunsunte-ah Chin Mual cihbang om ngeilo ahihlam kitel-hi. (Tu khawng-in nana phuaktawmtawm kei-uhhen)

Zhou leh Qin ukpite leh Zomite kisai kilkel lo-hi, banghanghiam cihleh pupate-in 1800 kiim-in khuasaat tuikhuat thei uh-a, sabet leh tualgaal-tawh amapang pah kengkengte ahihi. Tua hun ma-in KHUUL (Cave)-ah omkhawm ngei-uh cih kiummawh-a, ahizong-in tua Khuul koilaai-ah om-a, evidence e.g. fossil, guh, vanzat cihte akimuhna khuul tudong om naailo-hi. Upmawh taangthu ahihi.

 

Khuulmite (Cavemen):  Khuul pan-in Ciimnuai aci-tawh, Bungpilawn aci-tawh koikoi ahizong-in hih khuulmite-pen khua hongsaat-in tui hongkhuat uh-a, taangtawng ciimna, itna leh muanhuaina longal setlam siamna, singlep siamna, munlehmual khualsiamna leh innlam siamna cihte-tawh mapang vetlo uhhi. Singhawm ahihkeileh suangpeekpi, bii cihte mahtawh tulaai Aboriginal te mahbang-in innlam uhhi.

Neektheih antehtheipuam ciintheih ahihlam 1900 kum-kiim pan-in leitang veelcian-a avaak kawikawi namdangte' tungpan-a angah-uh khaicite hongciing thei-uh hipan-hi. Tuama thamloh 1935 ciangciang nangawn hakaai, kaaiteem, kaaisan, kaaithum, kaaizeen, baal-a kipan adiak-in leisung-a apii akine namte leh gamsa bek-tawh anungta-uh ahihi.

Zhou leh Qin te' pan-a meengsawnte hipeuhmah le-uh atuntunna-ah sing zatzia, suang zatzia, antehtheipuam leh ante ciinzia, siik zatzia cihte nasia tak-in thupi ding-a, Kawl I-cihcihte nangawn-in tua hun-in "siapite" nana ci khalaai dinghi. Zhou leh Qin genloh, tuate' nungpek-a akhangkhia Burmese Kings te mahmah-zong innlamzia, suang zatzia-a kipan abangkim-ah Zomi-tawh naakpi-in kikhia mitmuh (tudong nangawn-in) ahihi.

Tua Seen Ukpite peuhmah-tawh akinahvawhte hilehang pupate-in 1800 kiim-in siik zatzia naakpi-in siamkhin ding uhhi, banghanghiam cihleh hih Seen Ukpite tuma kum 3000 laai-a maangpi vuandok aseem khinte ahihi. Pupa' siikzat-pen British te leh Kawlte kido masak hun 1882 kum-a kipanpan hi-a, Japan Gaal acih-uh British Colonist te leh Fascist Japanese te-in Kawlgam leh India gamkuam kidona-a hongneih-a kipan naakpi-a akhang hipan-hi. Tua-hun nangawn-in siikbeel deih-uh ahihman-in asung-a sathau (neektheih ahihlam theilo-in) bua-in abeel la uhhi.

Japan Gaal laai-in Zomite siik zanghsiam naailo, akicianzong neilo, innte nangawn bii-tawh akikhuh vive, thau zanghsiam cih thadah meetpi tangte nangawn thautang ahihlam akithei naailo, mawtaw taai valval nangawn ganhing sa-a ataaikeek, akituunna ip adeih man-in buhtangte abua-mang, tem leh tu leh heii-a seekding deihna bek-tawh vaanleeng kiate, matawte atogawp: hihte Zhou leh Qin ukpi namte kihi zenzenleh azat nading naakpi-a azai tu-a I-theih naailoh nangawn thei khinding uhhi.

Tyre bangpen mei-tawh haal-in akhuuk ziahziah (hihte khuaneu hi deklo Tedim I-cih kankan khuapi pan-a kiseem ahihi), namgim leh petrol te azat nading theilo-a abungpi haalleh vaan-ah kuang-a leeng vava muhnop manbek-a ahaal ziahziahte: koi lak-ah Zhou leh Qin -tawh kimeemat laaizang thei ngeilo dinghi.

 

Atawpkhaakpen-ah Laimal:  Zhou leh Qin te Seen Ukpite ahih ngei mahbang-in aneupen leh meigong tagah nangawn-in amau' lai simthei gelhthei ding-uhhi. Tuma kum 3000 laai ahikei phial zong-in kum 2000 (AD 10 - 100) hun-ahbel laithei lua mahmahding kingaihsun thei-a, kisehkip thei-hi. BC 200 (Topa ZEISU' hongpai ma) nangawn-in suahni suahkha suahkumte nangawn kician tak-a aciamteh sitset minamte koikoi tung taleh lai thei-uh himawk ahihman-in ciaptehna nei limlim ding telciansa ahihi. Pupate'n neilo uh-a, khenkhat-in "Sagun tung-ah akigelh hi-in ui-in tuah" ci mawkmawk tazen uhhi. Lai theite-in leitung buppi-a laibu khempeuh asiacip zong-in laibu thak khat-tawh gelh veve lelding ahihteh taangthu loklol taktak ahihlam kilangh sinsen-hi.

Laimal limlim-pen 1882 nungsang-a English te' script leh Indi script (maybe Sanskrit) amuh-uh ana-ciing ciauciau mualsuang daan omtuak-a, tuate-zong bang gelh-hiam cih kitel khollo-hi. Mualsuang hongkhan hun-pen American Missionary te' hong tualbial hun pan-a hongkhangpan ahihi. (Hih-pen Kawlte-in Zomite Uk ngei hileh Mualsuangte Kawllai-tawh kigelh limlimding ahihlam khangthakte-in ciamteh-in pomkipding hihang). Pupate'n English or Roman Script nana zanghgiap uh-a, "Memorial Stone of ...." cigiap uhhi (hih-pen France Labour-a apaite hongpuak hiding upmawhhuai).

Hihzah bekzong-tawh Zhou Ukpite leh Qin Ukpite-tawh tu-a Zomi peuhmah akipaaikaan vetlo, tua hun-a amau' kiang pan-a ataaisim bangmah theilo amihaii khat' suanlehkhaak I-hihkei buangleh kisai khalo hihang. Mite Topa Zeisu' suak mapek-in gamkumpi aseemte hi-a, tuate' suanlehkhaak hi zenzen lehang I-tunna Kawlgam-ah I-tunciil-a kipan-in "siapite" kihi limlim dinghi.

Tua hi-a, thudang-tawh buai selo-in

- Zomi-pen Zomi hi-a, minam khat ahihi
- Keizong Zomi khat ka-hihi
- Ka' minam ka-paai theikei-hi
- Ka' minampihte' phattuam nading ka-lunggulh dinghi
- Ka' minampihte' phattuam nading ka-seem dinghi
- Ka' minam ngeina (culture) tel-in ka-keemcing dinghi
- Ka' minam paukam (language) it-in ka-zuun dinghi
- Ka' minam-pen Pasian a-it minam asuah nading-in keimahmah-in Pasian ka-it dinghi.

Adang bang kisam laai-hiam?

Zhou, Qin, Qing, Ming, Tang te-leh ei kisailo hihang. Kisai khaphial lengzong bang pehmah lemlawhding om ahihiam?

Ahite Hi, Ahi lote Hilo:

 

By: Zokhai

Posted: Tongsan Media Group Inc.

  • comments