Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Logos le Rhema Kibang Maw?

19224863 10155605334224448 7523961166242654088 nGreek pau pen ‘Khasiangtho pau’ bang khatin kingaihsun ngei a, Thuciam Thak hong kipiak masakna Greek kam tawh ahih manin Greek kammal khempeuh in khiatna thuk nono anei dingin kingaihsun kha hi. Tua ahih manin kammal pawlkhat pen amau khiatna taktak sangin i thuksak nuam zaw a, amau gen loh pipi i gensak mawkmawk thei hi. Bang hun ciangin hih bang piang thei deuh hiam cihleh kammal khat peuhpeuh a kizatna a thunung thuma (context) tawh i et ding sangin tua a kammal kia i et teh!

‘Kammal’ cih pen Greek kamin a huamin nam nih om hi: ‘Logos’ le ‘Rhema’! Hih tungtawnin Pasian ‘logos’ le Pasian ‘rhema’ i khen to a, Pasian ‘rhema’ bang pen Pasian in mimal-a hong hopihna bek phial-in i ngaihsun hi (Mite kammal zong khat vei lah ‘logos’ kici, khatvei lah ‘rhema’ kici lel ahihna phawk huai). Tua ahih manin pawlkhatte in hih kammalte koi mun koi tengah kibangci zat, cih i et ding sangin a kammal kia i la ziau a, i gennop thu gensak ziau i hih manin hih a nuai-a bangin a khiatna i khia kha mawk hi:-

-‘Logos’ pen Pasian hong hopihna kammal hi-a (Zeisu zong), LST sunga i neih Pasian kammalte ahi hi, i ci hi.

-‘Rhema’ ahih leh Pasian hong hopihna kammal mah hi-a, ahi zongin LST banah mimal tunga hong hopihnate ahi hi, i ci hi.

Tua bangin gen ziau ihih manin tha kingah-in hoih kisa mahmah-a, ‘logos’ sim ding sangin ‘rhema’ ngah ding i-utzaw hi. Pasian hong kilaakna LST tungtawnin amah i zon ding sangin hong kituaci laak leh i utna tawh kizui-in amah i zong tawm zaw hi. Tua ahih manin Pasian hihna taktak sangin Pasian ihihsak nopna tawh ei deih bangin amah i bawltawm zel hi. Tua ahih manin ‘logos’ le ‘rhema’ i khen tantan a, ‘rhema’ i ultungsak zaw lai hi.

Hih banga ‘logos’ le ‘rhema’ i khen tantanna pen hih kammalte a kizatna LST hoihtak i etloh man ahi hi. Thuciam Thak sungah ‘logos’ kizatna mun 317 kimu thei a, ‘rhema’ kizatna mun 66 kimu thei hi. Hih kammalte kizatna munte i et ciangin Pasian kammal, Pasian kammal ahi Zeisu mahmah (John 1:1), leh mihingte kammal kampau a kigenna-in kizang ahih lam kimu thei hi. A diakdiakin Pasian ‘kammal/pau’-a a kizatnate en le hang:-

(1) ‘Logos’ pen a kigelh Pasian kammalte a kigenna ah kitam zat pen a, Pasian thupiakte akigenna ah kitam zat diak hi (Matt 24:35; Mark 13:31; Luke 11:28; John 5:38). Paul, Peter,James, Hebrews gelhpa, cihte in zong i theihsa mah bangin ‘logos’ pen a kigelh Pasian kammal LST a genna-un zang uh ahihna kimu thei hi (Rom 9:10; Heb 13:7; Jam 1:22; 2 Pet 1:19).

(2) ‘Logos’ pen a kipau Pasian kammalte, Pasian kampaunate a kigenna-in zong kizang a,‘rhema’ tawh khen theih ding hilo hi (Matt 7:26; Mark 2:2; Luke 4:22; John 2:22; 1 Cor 12:8; Heb 2:2; Jam 1:18; 2 Pet 3:5; Rev 1:2).

(3) ‘Rhema’ pen a kipau Pasian kammal-a a kizatna tampi kimu thei a (Matt 4:4; Mark 14:72; Luke 1:38; John 3:34; Rom 10:8; 2 Pet 3:2; Jude 1:17), kampau kammal khatpeuh a kigen ziauziauna-in zong kilimzat mahmah hi.

(4) ‘Rhema’ pen a kigelh Pasian kammal a kigenna ah zong kizang mahmah kawikawi hi. (Luke 4:4; John 15:7; Eph 6:17). Nungzuipi Peter in kamsang Isaiah ih gelhkhiat Pasian kammalte a genna ah ‘rhema’ cih kammal zang ahih manin Peter muhna ah ‘logos’ le ‘rhema’ pen a kilamdanna om lo hi, cih kimu thei hi (1 Pet 1:25).

Tua hi-a, ‘logos’ le ‘rhema’ pen a kizang khawm kawikawi ahihna leh khiatna tuamtuam a nei uh ahih hetlohna kimu thei hi. ‘Logos’ in ‘Zeisu’ a kawkna longal ah (John 1:1) hih kammal tegel pen khen theih luat hilo a, khen ding zong hilo hi, cih kimu thei hi.

Tua banah khat veivei ‘rhema’ pen Pasian paukhiat kammal, Pasian nasepkhiatna kammal-a a kizat hangin mimal tungah Pasian kammal thak,(revelation) hong kipiakna-in kizang ngeilo hi. Hebrews LST gelhpa bang in ‘logos’ le ‘rhema’ pen khen hetlo ahih manin - Pengkul ging le thugenna (rhema) awgingte kizakna, tua awging a za mite in tua banga thu (logos) a gen nawn lohna dingin a thumna mual, note a tung na hi kei uh hi, ci hi (Heb 12:19). Sawltakte 10:44 bang en pak le hang zong, Peter in hih thute (rhema) a gen laitak mahin ama thugen (logos) a za mi khempeuh tungah Kha Siangtho a tung hi, ci hi.

Tua hi-a, ‘rhema’ pen ei le Pasian i kiho tawmna tawh i ngah ‘Pasian kammal’-in khatvei beek kizang ngeilo hi. Pasian pauna le mihingte pauna – kampau, kammalte-a kizang hi lel hi. Pasian in nisim-a hong hopihna a gennate ah ‘rhema’ sangin ‘logos’ kizang zaw lai hi:-

Banghang hiam cihleh Pasian thu (logos) in nungta in vanglian a, langnih a hiam namsau sangin a hiamzaw hi. Lungsim le kha, guh le tang le guhngekte pailet in khentel a, lungsim ngaihsutna le tupna ngimnate zong a theitel hi, ci hi (Heb 4:12). A nungta Pasian kammal, nisim-a hong hopih, thu hong hilh, mawhna hong phawksak, hong puahpha, dikna thu ah hong paipih, lampi maan hong lak-a hong tonpih, Pasian mi picing i suah theih na dinga hong seek Pasian kammal mah simin ngai ni – huu a muapsa hi (2 Tim 3:16-17). Tua banah Pasian hong hopihna kammal, LST sunga omte a hilo, ei,hong hopihna kammal pen ‘rhema’ hi, icih mawkmawk pen LST tawh kituak vetlo ahih lam zong i phawk ding thupi hi.

PS: Khatvei, ka sangnaupangte khat in, Sia aw, ‘logos’ pen Pasian kammal LST hi-a, ‘rhema’ pen Pasian in a ut hunhun-a hong hopihna kammal, LST sunga omlo Pasian hong hopihna kammal ahih manin LST kicinglo cihna ai ve maw, hong ci hi. Tua ciangin LST kammalte kikhiakhial mahmah ai ve maw, ci-in ka lung nuam thei mahmah lo ahih manin hih a tunga thu teng hong gelhkhia ka hi hi.

By: Lian Muan Kim, PhD (President-Koinonia Baptist Seminary & Tongsan Columnist)

  • comments