Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Gam Makaihna le Lai Siangtho Paizia

10697381 4699586503132 18338557028296367 o1.Sepna tawh Kisai: Topa Zeisu in nungzui 12 te a teel teh nasep hanciam in a buai mahmah te teelin samkhia sehi. "If you want something done, give it to a busy person." (Proverb.) Gam makai ih teel teh zong khuaphawk manlo liangin nasep hanciam a citak te teel lehang amau nasepdan tel in siam khin sa uh ahih manin paulap tamlo in ki mazang pah mahmah lelhi. Result kimu thei pahdiak se hi. Tu laitak mahmah in zong gamvai ah tua dante mah kilang khiapah lel uhhi.

2.Panmun tawh Kisai: Paul in keipen a khaici vawh pa ka hi-a Apollos pen tuibuak pa hi, a cih bangin gam vai ah zong idea phuangkhia, a phukhia masa mah na om ding-a, a zem le a puah toto zong na om ding hi. Na khempeuh pen amau mun tek ding na om dimdiam khin lel-a amau mun tekah kikim in na thupi kimtek uh hi. Tua ahih manin keima patsa, phuhsa ci-a aituam ngaihsut in mun khempeuh humcip nopna in mi khempeuh ading supna hizaw khathei hi.

3. Thaman tawh Kisai: Mihing te lungsim ngeina pen i kipiakkhiat zahin kiminsial nuam in hamphatna i ngahkik lohding kipatau tek hi. Tua vai eisang Pasian in hong vei zaw, a kinzaw, a zah tampi tawh hamphatna hongngahsak kiknuam ahih manin patauh kullo hi. Mordecai bangin a hun a cin teh Pasian lapsangna ih ngah lel ding hi.

4. Sum tawh Kisai: Paunak sungah sum bek a ngaihsun mi-in a gam siasak hi, cih kigelh a, Topa Zeisu pen ngun peek sawmthum tawh kizuak hi. Gam makai khat hih nading in kisam tam mahmah lakah gammi bup in a gu a thuakpah diak khatin golhguk nekna, gamtatsiatna (corruption) hi-a tu mahmah in zong tua sum duhhop-te ukna hangin gam tampi kisia ziahziah hi. Mizawng hihna, mihau hihna et masak ding cihna hilo-a, a mimal leh party pen sum lamah muanhuai takpi mah uhhiam cih et phatphat kul hi.

5. Khialhna tawh Kisai: Topa Zeisu in, “...mite in a pampaih mite a kisikna dingun a sam dingin a hong pai ka hi hi,” na ci hi. Lai Siangtho sung-a makai te a kipan mihing te-in thanemna le khialhna kinei hamtang hi. Vai khat peuh ih sep simin khialhna (mistakes) ki nei den-a mihing hihna tawh a kibanglo in tha nemna (weakness) kinei tek hi. Tuate nei ngeikeng a kici-te pen mihing hilo, nasem ngeilo, nasep khauhpai tam sem ngei meello cihna hizaw theihi. Makai hihma a khial ngeite pampaih pah lo-in hun pia zo lehang makai hih khit-a hong nungkhialh te sang phadawm zaw theihi. Khialhna pen mawhna
himasa lo-in kisik kik lohna pen mawhna hizaw hi. Tuadan a khial ngei te hong kisik kikin, a thanemna te uh ah ki puahpha a, pilna hong lakbeh semsem le-uh hong khauhpai zaw uhhi. Khialhna nei keng a kici thapai makai-te hangin gam kisia zaw thei hi.

By: Pau Sian Lian (Columnist of Tongsan Media Group), Japan

  • comments