Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Mualmi Thau tawi Pawl 12 te'n Kimuhkhopna Nei

20888 833240276713597 2847364405914786459 n

Kawl kumpite le mualmi thautawite kikal kilemna (Cease fire) tampi vei bawl zelzel uh a, tuni dong kilemna kician taktak ngahzo nailo bek tham loin, a munmun ah kikap/ kidona nasia semsem hi. Tua bang kawm kalah Shan State, Wa minamte khuapi ahi Panghsang(Pangkham) ah kumpi langpang mualmi thautawi kipawlna 12 te in May 1-6, 2015 sung kimukhopna nasiatak nei uh cih kiza hi.  Tua laiah mualmi kipawlna 12 pan tangmi (delegate) mi 60 le a zuite tawh kigawm mimal vekpi 120 pha uh a, Nipi kaalkhat sung nasiatak kikupna/ holimna nei ding uh ahih manin, bang ci bangin thukhensatna le thukimna hong bawlkhia ding uh hiam kilunglut mahmah cih Irrawaddy News in gen hi. Thukikupna ah kihelthei Mualmi Thau tawi pawl 12 te:

(1)  United Wa State Army (UWSA)
(2)  Arakan Army (AA)
(3)  Karen National Union (KNU)
(4)  Karenni National Progressive Party (KNPP)
(5)  New Mon-State Party (NMSP)
(6)  Ta'ang National Liberation Army (TNLA)
(7)  Pa-Oh National Liberation Organisation (PNLO)
(8)  Shan State Progressive Party (SSPP/SSA)
(9)  Kachin Independence Organisation (KIO/KIA)
(10) Myanmar National Democratic Alliance Army (MNDAA)
(11) Shan State (RCSS) 
(12) National Democratic Alliance Army (NDAA)  

A kiheltheilo / Sapna ngahlo Kipawlnate:

CNF, LDU,WNO, ANC, DKBA, KNU/KNLA-PC, ALP,NSCN-K, le ABSDF te sapna lai kipia khalo uh ahih manin hih khawmpi ah kihel theilo uh cih Irrawaddy News pan kizasawn hi.

Source: Irrawaddy & Mizzima News

Posted: Tongsan Media Group

11163767 650148345084715 8940322339328361666 n

Finland gamah Pu Zozam Gamvai Conference Kah

Conference on National Dialogue and Mediation Process kici gamvai tawh kisai thukikupna Conference khat March 31- April 2,2014 sung Finland gamah kinei a, Kawlgam pan Political party tuamtuamte ahi KNU Secretary, Shan CRSS, KIO pan Gawlu La Awng, Nationalities Brotherhood Federation (NBF) tangin Pu Zozam (President of Chin National Party), Myanmar Peace Center pan U Aung Naing Oo te kihel uh hi. Tua banah UN zumpi lam pan Delegate te, gam tuamtuam Embassy pan Consular te le gam makai 150 val kihelthei uh hi. Hih Conference sungah adiakdiak in Syria, Yemen, South Africa le Kawlgam vai cih teng kilimkup mahmah uh hi.

Hih Conference honpawi ah Finland Ministry of Foreign Affair makaipi Dr. Erkki Tuomioja in honna nei hi. Tua banah Conference pen Euro-Burma Office, UNDP, The Finnish Evangelical Lutheran Mission, Common Space Initiative,Berghof Foundation,Finn Church Aid,CMI Martti Ahtisaari Center, Peace Appeal Foundation le UN Economic and Social Commission for Western Asia teng i vaihawmna tawh kibawl ahi hi.

Ref: Pyidaungsuh Institute
Posted: Tongsan Media tanute

Kawlpi ah Galkapte' Laksaksa Leitang Kipiakik Ding

Kawlgam galkap kumpite in abeisa 1990 kum pawl a zawhthawh thu tawh a laksak (Suh) uh Kawlpi khua nawl (tun khualai) mun kiang tenga om mipi' neihsa Zaanglo honpi khat pen anei mipite' tungah piakik ding uh cih thu March 25,2014 ni akihawm Kawlgam Journalte' sungah kisuaksak cih kiza hi. Tua zaanglo kilaksak (kisut) pen Kawlpi galkap battalion 87 te in 438.8 Acre laksak in, battalion 362 te in Acre 1000 laksak uh hi.

Hih battalion 362 te' laksakna Acre-1000 sung pan Acre-500 pen a nei kician taktakte tungah piakik ding cih thu Kalay District Chairman U Maung Htoo in gen hi. Tua leitang piakkik hun ding pen hong tung ding June kha bei ma teitei a, piakkikna hunpi neih theih dingin Parliament zumpi pan President zumpi ah laikhak khin ta cih thu Kalay parliament palai khat ahi U Tin Hlaing in Kawlgam Journalte sungah genkhia hi.

Ref: Thutatuamtuam
Posted: Tongsan tanute

Suu Foundation Kiphutkhia

Kawlgam sungah mipite pilna (Education) le cidamna (health care) lamah panpih huaite panpih/ huhna ding ngimna bulpi tawh NLD makai Daw Aung San Suu Kyi min pua in " Suu Foundation (SF)" cih nasepna lianpi khat abeisa March 9,2014 ni-in, UMFCC- Hall, Yangon ah honpawi thupitak kibawl hi. Hih " Suu Foundation" ah Daw Aung San Suu Kyi i tangthu Cinema tawh akizaih Hollywood Actress minthang khat ahi Malaysia gammi Mrs.Michelle Yeoh pen Director panmun len ding cih thukiza a, US Former President George Bush i zi Laura Bush le US Former Secretary of State Mrs. Hillary Rodham Clinton, Maria Hummer-Tuttle (USA), Dr.Irwin Mark Jacobs, Dr. Jerrold " Jerry" Green te (Board of Directors) panmun len sak uh hi.
 
Suu Foundation hon pawi ah Mrs. Michell Yeoh (Director of SF) kihelthei bek tham loin, thugenna zong nei a, Hillary Clinton le Laura Bush te in Online Video pan thugenna nei uh hi. Tua banah hih Suu Foundation ah leitung mihau tuamtuamte le Company te in zong nasiatak panpih sawm mahmah uh ci hi. Tua banah hih Suu Foundation nasepna-ah leitung mihau tuamtuamte le Company tuamtuam in nasiatak panpih sawm uh ci hi.
 
Ref: BBC & Kham Khan Suan
Posted: Tongsan tanute

Kumpite le ABSDF te Union Level Kilemna Lawhcing

Kawl kumpi in Thau tawi kumpi langpangte tawh a banban in kilemna ding nasiatak hanciamna a neihnate' sungah Thau tawi 8888 sangnaupang ABSDF te zong tawh abeisa August 5,2013 ni-in State level tawh kikap/ kido nawnlohna ding thukimna le holimna nei khin uh hi. Tutung August 10,2013 ni leuleu ah Union Level kilemna pen Myanmar Peace Center, Yangon ah thupitak nei leuleu uh hi. Tua kilemna/ thukikupna hunah ABSDF te' deih ngetna thubulpi (point-12) teng mah tawh thukimna/ letmat thuhna (Signature) bawl khawm thei uh cih thu Kumpi lam pan thuphungpi U Hla Maung Shwe in pulakkhia hi.

Tua sungah athupi pen in Politic tawh kisai thukikupna neihkhop ding cih thu hi-in,adang thubulpi(point)te bel thukimna a kicingsak dingin gen hi. A nihna athupi khat leuleu pen a(2)veina Union level thukikupna pen November 2013 ciangin neih kik ding cih ahi hi. “Kumpi lam kilemna bawl pawlte lam pan Committee makai nihna U Aung Min leh Pyituh Hlutdaw pan U Tein Zawte in makaih thei banah State Level tawh kimuhkholhna aneih masak manun, Union Level kilemnate zong lawhcinna ngah thei uh hi dingin kilamen hi. Tua banah kikupna zong kimaingap leh gualnuamtak in thukikum khawm hithiat thei uh bek tham loin, ABSDF lam pan atheihpih (Witness) dingin sangnaupang makaipi Ko Min Ko Naing,U Mya Aye le U KoKo te banah ZCD,ALD makaite nih tawh kigawm mi 5 in theihpihna letmat thuhna (Signature) nei thei uh cih kiza hi.

Hih Union level thukikupna aman khit phetin ABSDF leh Union level kilemna bawl Committee te kipawl khawmin Press Conference nei uh a, tua laiah U Aung Min leh ABSDF makai U Tan Khe in kikupna pan thukimnate le mailam sep leh bawlzia ding mabante mipi mai ah gencianna le pulakna nei uh hi. ABSDF makaipi U Tan Khe in “ Kawlgam Politic tawh kisai-in, kalkhat khit kalkhat suanna ah mipi ii phattuamna dingin hangsan takin kikalsuan toto dingin ABSDF te kigingkhol mahmah hi ung " cih pulak hi. Tua ahih man in hih kalsuanna ah kilemna leh minam nasepna hoih nading in khat leh khat khut kilen a sepkhop ding kisam ahihna zong gen hi. Tua banah Kawlgam kilemna ding hanciamna sungah naseppih khempeuh tawh kalsuan khawm diamdiam khawm ding cih thute zong genbeh hi.

Adiakdiak in hih kilemna sungah a om lai Mualmi thautawite zong tawh kilemna neih mengmengna ding le Politics kikupkhop ding kisam lai hi. Abeisa kum 25 tawntung nasepna Form lui pan Form thak ah kalsuankhop ding zong ABSDF in ka thungetna uh ahi hi" cih genbeh hi. A tawpna ah hong tung ding November, 2013 kha ciangin ABSDF leh Union level kilemna bawl Committee te khatvei Union level kikupna thupitak kinei lai ding ahihna thu kilemna bawl committee pan in genkhia uh a, Press Conference nuamtak mansiang thei uh hi.

Source: Myanmar Express News
Translated by: Simon Timothy ( Tongsan Translator, Champhai)

Portland-USA ah 8888 Silver Jubilee Pawipi Kibawl

Kawlgam ah General Ne Win makaih galkap kumpi ki-ukna deihlohna tawh abeisa 8.8.1988 ni-in Yangon University huangpi sung pan kipankhia in, sangnaupangte le mipite' kitomna/ lungphona akineih zawh tu-in kum 25 cingta hi. Hih 8888 lungphona kum (25)cin phawkna pawipi (8888 Uprising Silver Jubilee Cerebration) pen Myanmar Convention Center, Yangon ah August 6-8,2013 nithum sung thupitak kinei a, August 6 ni honpawi ah 8888 makaipi ahi Ko Min Ko Naing in thugenna nei hi.
 
Hih 8888 Uprising phawkna kum 25 pawi ah gampua akithehthang sangnaupangte le minam veii makai minthang tampi kihelthei uh hi. 8888 lungpho ni  akipan tuni dong Democrecy deihna tawh anuntakna apiakhia mimal vekpi atul asim pha ding hi mah le Kawl kumpite in aza asim bekin pulakzel uh hi. Tua banah hih 8888 kum 25 cin phawkna pen Yangon khuapi bek hi loin, Kawlgam sung mun tuamtuam le gampua pawl khatah zong nasiatak kibawl hi.
 
A diakdiak in Portland, Oregon State, USA ah 8888 sangnaupang galkapte kipawlna (All Burma Students’ Democratic Front -ABSDF)te' makaihna tawh "8888 Uprising" kum 25 cinna thupitak kibawlin, Zomite zong kihelthei uh cih thu Pu Kingmang (Tongsan Conusultant, Protland) tungtawn in kizasawn hi. Tua bek tham loin,Portland khuapi ah ABSDF galkap lui innkuan 30 val bang om cih thu zong Pu Kingmang in genbeh hi.
 
Hih "8888 Uprising " tungtang ah General Ne Win galkapte in sangnaupangte bek hi loin Sangsiate, kumpi nasemte, Phongyi te, naupangte le nautang mipite akipan mi vekpi 3000 val kaplum uh a, ahi hangin Kumpi lam pan 350 bek asi in ciamteh uh hi. Tua hun laitak in General Ne Win galkapte in Thau akap ciangin, angeina danin huilak mawk kap loin, mihing kaplum lianlian hi" - “If the army shoots, it has no tradition of shooting into the air. It shoots straight to kill.” ci-in General Ne Win in genkhia ngiat hi.
 
Tua banah General Saw Mang makai in galkap kumpi-in Kawlgam ukna a laksuak ciangin, sangnaupangte makai in galkap kumpi do dingin " All Burma Students’ Democratic Front (ABSDF) cih gamnuai Thau tawi kipawlna kiphuankhia ahi hi. Hih ABSDF te le Kawl kumpite in nung Nipi kalsung mahin kikap nawnlo / kilemna ding thukimna Suaikai uh a, ahi zongin abucing kilemna taktak kibawlzo nailo ci hi.
 
Source: Pu Kingmang (Tongsan Consultant of Portland, USA)
Posted by: Tongsan Tanute