JICA in Zogam Puahna Ding Ks. 9900 Million Leitawi Pia Ding
Last Updated on Tuesday, 28 August 2012 15:10 Written by Tongsan Admin Tuesday, 28 August 2012 13:35
Kawlgam sungah Japan gammite nasepna NGO minthang khat ahi Japan International Cooperation Agency(JICA)te in Zogam (Chin State) ah singkung suanna lam le gankhawina lam tawh khantohna om theihna ding deihsakna tawh sumbul Kyats Million 9,900 leitawi piakhia ding cih thu Zogam Minister for Agriculture & Irrigation Pu Van Thawng in gen hi. Hih sum leitawi ding pen Japan Kumpi i Oversea Development Agency te' tungtawn in kileitawi ding hi'a Pyidaungsuh kumpi-in piaksak sawn ding hi.
Hih vai tawh kisai Yangon a om JICA Agency vaisaite August 30,2012 ni ciangin Zogam Hakha khuapi ah kumpi thuneite tawh kikupna neikhawm ding cih kiza hi. Hih JICA Agency te'n leitung gam tuamtuam ah Singkung suanna, gankhawina, pilna sina, Cidamna, kim le paam kepcingna etc...lamah huhna pia den uh hi. Abeisa kum 2011 sung United Nation Development Programme (UNDP) in Kawlgambup States & Divisions 14 te sung mizawng sazian akaihkhopna ah Zogam pen a zawngpen in ciamteh uh hi.
Tua bang nasepnate akisepnop hangin sum le paai haksatna tawh kisem zolo ahih manin, hih bang a sumleitawi theihna lampi hong kihon khak pen Zogam le Zomite khantoh kipatna taktak hi dingin kilamen hi. Tua hi in i Zogam zuunna dingin gampua a om Zomite neihsa bek tawh kipuahzo ngeilo dinga, hih bang NGO le Kumpite mah tawh kipawlkhawm a, nasepkhop ding thupi mahmah ding ahi hi.
Source: RFA
Translated: Kham Khan Suan (Tongsan Translator)
Subscribe to this comment's feedwritten by www.wearingsales.com , August 29, 2012
If you would like something loud and appealing, you cannot go wrong with leopard print dress. It takes a woman that's confident and occasionally brash to really bring out the best in these kinds of shoes.
written by Kawl-taw-liaklo , August 28, 2012
Japan kumpi in UNFC makaite April kha in agam vuah sam uh a, tuapan a hong piangkhia ahihi. Asumteng UNFC tungtawn a, pia ding acih leh Kawl USDP in hong HAZA a, nang niloh hi.
Japan te'n huhna danng teng kholkik ding acih leh kham ngamnawnlo a, USDP kawlte ngetsak bang keek a, Van Thawng mihai ut kuut sak uh hi.
2015 ciang USDP Zogam kiteelna azwh nangun, hong zang leltak ding uh a, USDP teng hong gilpuak keukau leltak ding uh hi. Zuunkhum, sikhang, lungtangna khong hong ngahloh lel ve uh.
Tedim district vai ah Tonzang leh Tedim USDP teng leh mipi lungkimlo in, mundang ah lah hatlo uh ahihcianga, hih sumteng india te golhgukpiak Dollar 6,000,000 banga a pu thein sein tawh hong liaktum lel ding uh hi.
Who's Online
- khampeek