Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Australia Kumpi in Zomi Makai Khat Pahtawina Pia

11173351 10203836673146264 5120679635509471120 nKawlgam sungah Kumpi theihpihna (Govn.Registration) tawh mipite' khantohna ding Non-Government Organization (NGO) nasep thupi asem Dr. Cin Khan Lian (Founder & Director of Ar Yone Oo Social Development & President of Zomi Media and Writers Association (ZoMWA) pen Australia Government in Makaih siam Pahtawina (LEADERSHIP AWARD) pia uh ahih manin, tukha thak May,2015 Nipi masa sungin Australia zin ta ding cih kiza ahih manin Zomi Media and Writers Association (ZoMWA) min tawh lungdampihna i pulak hi.  

Dr. Lianpu pen Zomi sungah NGO nasep a pankhia/ sem masa pen hi in Zogam (Chin State) ah Township mun 6, Kawlgam sung mun 12 zum khen nei-in, zum naseppih mi 120 tawh Community Development, Human Right & Democratization,Gender Awareness leh Peace & Evenvironment semkhia in Kawlgam kumpite in zong a zahtak mahmah khat ahi hi. Tua bek tham loin, ama nasepna Ar Yone Oo Social Development pen Kawlgam sunga om NGO tampite' sungah a lawhcing le minthang mahmah khat ahih manin Zomibup angtanna lianpi khat ahi hi.

Hih bangin leitung gamlian le gam thupi kumpi khatin Zomi khat pahtawina hong piaksakna pen Zomite' tangthu sungah laimai thak khat hiphen leuleu suak ahih manin, Zomite hong laamto vanglian Pasian min i pahtawi kawmin, Dr. Lianpu le a maban sepna bawlnate khempeuh zong Topan mahin a zaizaw le a lianzaw asem zo semsem dingin cidamna, khansauna le lawhcinna sangpen dongah hong makaih suaksuak sak lai hen ci-in thupha i paih hi.

Tua banah Australia a om sungin Zomite' makaih pawlpi le kipawlna tuamtuam pan vaihawm siamna tawh mai lam Zomi le Zogam khantohna ding theihhuai thu tuamtuam kikupkhopna le Holimna zong a nuai a hungeelna bangin neihpih ding cih Sia Sian Khan Thang, Adelaide tungtawn in kizasawn hi.

Dr. Lianpu tawh Hungeelna: May 9-10   (Sat-Sun) Melbourne Sia Gin Do Dal
May 16-17 (Sat-Sun) Adelaide Sia Sian Khan Thag
May 23-24 (Sat-Sun) Sydney or West Melbourne Sia Sian Thang
Monday to Friday  ,    Canberra leh Melbourne ah Seminar nei ding

 

Lungdampihna tawh ZoMWA Committee tangin,

Sia Khampeek (Tongsan pu)

Patorn of ZoMWA

10917196 10205091717600047 6058266750823317588 o 1

 

 

  • comments