Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

A (2) Veina Zosuan Tuailai Khawmpi Lawh Cing

ngul khan pau at tuailai 2015 tedim

A 2 Veina Zosuan Tuailai Khawmpi (ZTK-2015) pen hungeelna om sa bangin Tedim khuapi ah 2015 kum April kha 23 pan 26 sung teng nuamtakin kizang thei cih thu kiza hi. Hih khawmpi hon pawi pen April 23, 2015 ni-in Chin State Chief Minister U Hung Ngai tangin Finance Minister lah hi-in Tedim gam ai-awh vuanzi zong ahi Pu Nang Za Mung in khaugui attatna leh khawmpi thu konghon thugenna nei hi.

Pu Nang Za Mung in a genna ah, leitung a gam zawng pente lakah khat ahi Myanmar gam sungah a zawng pen sawnsawn Chin State ading kumpi in khantohna ding na tampi sem ahihna thu leh mai lamah zong sem lai ding hi, ci hi. Zomite pen ngeina kician nei-in pau leh lai gina tak anei, Myanmar gam sung a innteek minam khat ahih mah bangin kumpi tawh khut kilen a, ngimna hoih tawh khangthakte hanciam dingin hanthawn hi.

Khawmpi thubulphuh pen “A Bucing Khantohna Ah (Unity and Holistic Development)” cih hi a, nitak simin CMBC biakinn ah kizang in, Rev. Dr. JM Ngul Khan Pau in Speaker semin Pasian’ thu tangkona nei in mipite in tha kingah mahmah ci hi.

Tua banah Tedim Icon Top 10-te in lasa uh a, Kawlpi pan lasiam Cingpi leh Global Zomi Idol Top 10 winner Lia Zambawi (Kalay Center) te in zong uap thei uh hi. Tedim khuapi sung a tumging tumsiamte in zaknop tak le siamtak in tumging tumin, nitak sim kikhawm mipi  1500 kim phaden hi. Sun hunin FBBC Lai Siangtho sangpi ah thusunna kinei a, khua 60 pan minkhum mi 350 kim pha den hi.

Thusungte pen biakna lam leh leitung pilna lamah zong leitungbup huam a mi lawhcing leh mi’ tung et vive hi uh a, akihel khate hampha kisa mahmah uh hi. Thusunna bek hi loin mipi lampan dotna dawnna leh kuppihna hun zong nuamtak kizang thei hi. 

Thusungte pen thulute anuai abang ahi hi:

Zomi, Zogam leh Zomi by:        Pa Hang Khan Lian
Zomi leh Makaih Pilna  By:        Dr. Lian Muan Kim
A Citak Khangno Khangto by:    Rev. Dr. JM Ngul Khan Pau
Pumpi Cidamna by :                 Siamah Vung Deih Cing
Cihtakna Tawh Sum Zonna by:  Pa Thang Za Sing
Zomi: Zan ni, Tuni, Mailam by:  Dr. Hau Za Cin
A Bucing Khantohna by :           Pa Khup Khawm Mung
A Citak Siamsin Lawhcing by:    Dr. Chinkhanlun Guite
Zeisu Nei Khangno Khangto by: Rev. Go Za Nang

hau za cin at tuailai 2015

chinkhanlun guite at tuailai 2015 tedim

  • comments