sideBar



zomi aw lung lau ken!

NEWS
BLUE GREY RED

News

Myanmar Music Award 2014 Ngah

PDFPrintE-mail

Last Updated on Sunday, 01 March 2015 20:59 Written by khampeek Sunday, 01 March 2015 20:57

10923330 635015456604867 6857263619019421653 n

Myanmar Music Awards 2014 (MMA) vaihawmna tawh Kawlgam bupah Tumging (Music) siamna lam tawh a teek dong a uk/ asemte pahtawina (Lifetime Achievement Award 2014 piakna pen Feb.20,2015 ni-in Yangon khuapi ah thupitak kinei a, Kawlgam ah Music band minthang masa khat ahi ACES Music Band ah Bass guitarist Pu Victor Kam Za Lian @ Pu Zalian (Kum 64) in Lifetime Achievement Award 2014 Trophy le sumtang Ks.5000000(Tulsawm nga) ngah cih kiza hi. 

Pu Zalian pen a pa India gammi le a nu Sizang (Zomi) hi-in, a pa in Falam Zatopi ah Siavuan asep laitak in Falam ah suak hi. Yangon St. Paul sangpi (tulaitak BHS.No.6,Botathaung) pan tansawm a zawh khit ciangin, Yangon University ah Chemistry tawh sang zo hi. Tua banah GTI zom suakin a sang kah sung akipan Guitar lamah nasiatak panla hi. Zomi khatin Myanmar Music Awards 2014 ah Lifetime Achievement Award hong ngah manin Tongsan Weekly Journal pan lungdampihna i pulak hi.

Ref: RFA News

Posted: Tongsan Tanute

10168133 635015489938197 3950619246158174456 n

 

ISIS Tualthat Makaipipa Kitheikhia Ta

PDFPrintE-mail

Last Updated on Saturday, 28 February 2015 02:28 Written by Tongsan Admin Saturday, 28 February 2015 00:47

ht steven sotloff wy 150226 4x3t 384

Tulaitak leitung ah hiamgam nasem minthang Islamic State (IS) mithat pawlte in Middle East sung le adiakin Iraq gamah Khristian kici peuh mah Ak gawh bangin ngawngtan ziahziah uh hi. Tua IS mithatte' sungah makaipi khatahi amaitang kituam atha sang zeza Mr.Jihadi John (amin taktak Mohammed Emwazi) pen February 26,2015 ni-in UK thukante in amel le amin kiciantak in theikhia ta uh hi.

Hih pa pen Kuwait ah suakin aneu lai UK ah pem uh a, Kum 20 val dong London nitumna lamah teng bek tham loin, University of Westminster pan Computer program tawh sangzo ahihna British security services-te’n mukhia uh hi. Jihadi John (Kum-27) in nitumna lam mite tampi thatkhin banah, abeisa August kha sungin US Journalist Mr.James Foley a ngawng tanin Internet pan Video tawh khahkhia hi. Tua banah Somalia gama migilo Al-Shabab hiamgam nasemte tawh zong kizomngei khatin kiciamteh ahi hi.

Tua banah Dragana Haines,US journalist Mr.Steven Sotloff, British aid worker Mr.David Haines, British taxi driver Mr. Alan Henning leh American aid worker Mr. Abdul-Rahman Kassig te kithahna video tengah kihelkim ahihna kitheikhia hi. Hih a thahlupte' innkuanpihte in amanlang in matkhiat ding a ngetna uh tawh kizui-in, a sawt loin mat zawhna ding kihanciam mahmah cih kiza hi.

Source: VOA News

Posted: Tongsan Tanute

 
 

Hakha ah Zomi Nam Ni- Lawhcing

PDFPrintE-mail

Last Updated on Wednesday, 25 February 2015 03:54 Written by Tongsan Admin Wednesday, 25 February 2015 03:33

67ZNN 1

ZOMINAM NI kum(67)cinna Zogam khuapi, Khalkha ah 2015 February 19-21sung Zogam bup huam-in thupi tak leh lungkim huai tak in kibawl cih kiza hi. 19.02.2015 (Nili ni) Zingsang nai(11:30)Am hun-in Hakha, Vuantuumaung tukpeng tual ah Department te nasepna, Township zui-in showroom kidemna leh 67 cin ZOMINAM NI kongpi honna.,Pu Win Tun (Forest Union Minister), Pu Hung Ngai (Chief Minister), Pu Hau Khen Kham (Speaker,State Parliament) leh Hakha khuanu khuapa tang-in Pi Sui Thluai Thang te..Khau-at-na tawh honna nei uh-a, tua pan in show room, ngeina van, ngeina tuamtuam kidemna te ki nei toto cih kiza hi. Nitaak hun-ah Khuapi khen(9)pan tualsuak ngeina te lahna,duang hoih kidemna, Modern ngeina laam kidemna te kinei to hi.

20.2.2015 (Ninga ni) Zingsang nai (9:00)Am in kum(67)cin ZOMINAM NI phawkna, mutpuak lohna, meipaak lotna te tawh honna kinei hi. Tua ban zom in Kawlgam dialkhai zahtaakpiakna Palik te makaihna tawh kinei hi. Zogam khuapi khen(9)pan palai ten mun honglak khit ciangin amau teng tangin PU SIANG MANG in KUM(67)CIN ZOMINAM NI tawh kisai leh ZOMINAM NI hongpiankhiatna thu tomkimcing hong pulak hi.

Tua banah Zogam Chief Minister Pu Hung Ngai-in, Zogam sungah kumkhat sung nasepna leh khantohna te kicingtak in genkhiat, simkhiatna hong nei hi. Myanmar President U Thein Sein ii kum(67)cin ZOMINAM NI phawkna laikhak pen Union Forest Minister U Win Tun in simkhiatna hong neihkhit ciangin, aban ah Union Parliament Pu Thura Shwe Mann laikhak Chin State Parliament Speake Pu Hau Khen Kham in, mipi mai-ah hong simkhia hi.

Tua teng ban-ah Kum(67)cin ZOMINAM NI phawkna leh Zogam khuaphialep meivai KHUAPHIALEP MEI Union Minister U Khin Maung Soe in, gencianna hong nei hi. tua a genna sungah Khalkha ma-ha-dat-aa-line piakna-ah US$(2.68)Million leh Kawlsum Ks.(5.5)Billion bei ci hi. Mahadataaline khuaphelep mei tawh 2015 sungin Falam, Mindat leh Matupi piakding kipanta-in,2016-17 sung-in,Tedim, Kanpetlet, Paletwa te piakding geelna te kinei ci hi.

President U Thein Sein leh alawm te vanleng(2)tawh nitaak lam nai(1) in Hakha Zalatni Golf club hong tu-a, Vuantumaung tukpeng tual ah 1:30PM in mipi Ngeina laam tawh kidawn zihziah in, Zongeina Inn a kilam innka tau pan in thutom genna hongnei hi. Tua khit cianginZOZU kitulh-in, inntual ah laamgui lam na kinei to hi. Kum(67)cin ZOMINAM NI phawkna TON (Khuangcawi) pen Panglong ah minkui (Pu Kio Mang) tunu Mai Thluai Hlei Sung kilam hi.

President leh alawmte Zato ah akilam thak "Damlo te ki-at, kikheina innthak"honna vanei suk uhhi. Zinte Pyitaungsu Geust tawlngakna-ah tawlnga-in, nitaak lam ciangin Hakha khuasung Biakna makai te tawh holim kamkupna nei thei uhhi. Tua thu kikupna-ah Singlamteh phukna vai, Nipini siantho sak ding vai leh Biakinn lam theihna te kithupi kup pen cih kiza hi. Nitaak(Dinner)pen Hakha khuanu khuapate vaihawmna tawh CARSON HALL (Old bazzar ward)ah kinei ngeingai hi. President leh zin thupi te nitaak nai(7:30)pan nai(9:00)ciang State Government zum huangsungah meiphualsep in lamgui lamna, phiauphiina kinei-a, pahtawina leh maitaiina honkhat kingah cih kiza hi.

Vuantuumawng tukpeng tual-ah Khanglui ngeina, Khangthak ngeinate lahna, duanghoih kidemna te kizom to lai-a, nitaak nai(9)pan Lasiam hongzin ahi., Thawn Kham, Si Tu Lwin, Kii Shing, Nicolas, Zamnu, Ro V, Van Dawt Chin (moemoe)ten hongzai ziahziah aa nuam kisa-in, mipi kisuakta mahmah cih kiza hi. Lamdang ka sak thu khat-ah mi pawlkhat in 'Thangpaa' hongpai lo hiam? cih hong kikankan aa, ki lunggulh mahmah cih kimu khia hi. Vuantuumawng tukpeng tual a kiu lam-ah kibawl "NGEINA KIBUAN" "PAIH"pen sun pan kipan kibuan toto-a, 21.2.2015 nitaak dong kitona (challenge)om toto hi.

21.2.2015 (Nino Ni) Zingsang nai(9:00)pan (12:00)sung President Thein Sein le alawmte, Zogam sungaa om kumpinasep ulian khempeuh khantohna vaite le nasepsate etkikna, khantohna huhna tuamtuam te piakna State Government Meeting Room ah nei uh-a, Zogam ading SKY NET,Computer leh vantuamtuam hawmna kinei cih kiza hi. Khuapi zui-in Ngeina lahna, ngeina van lahna te kinei to lai-a, nitaak lam ciangin a tamzaw phial in, van sengseng ta uhhi. Zan ah Stage Show a nitaak nihna kizom to suak-a, khua dam zong phawklo in, kidiang henhan ahih manin security te nangawn buai mahmah zo cih kiza hi.

Kiu khat pan minam ading anungta khinkhian den;

Tg. John Thang Za Khual

67ZNN 4

67ZNN 11

67ZNN 9

67ZNN 10

67ZNN 8

67ZNN 6

cnd-2

67ZNN 18 1

67ZNN 5

 
 

Page 12 of 715

TONGSAN Video

TONGSAN Photo Gallery

TONGSAN Weekly Journal

Who's Online

We have 314 guests and 1 member online
  • khampeek
Joomla Templates and Joomla Extensions by ZooTemplate.com