sideBar



zomi aw lung lau ken!

NEWS
BLUE GREY RED

News

Tedim ah A mawkna Zatui Kihawm Khia

PDFPrintE-mail

Last Updated on Wednesday, 18 February 2015 06:26 Written by Tongsan Admin Friday, 13 February 2015 19:22

1907467 1553626004918205 6468767741011874145 n

Zogam, Tedim khuapi sung Tedim EBC biakinnpi ah Sia Thang Gin Piang, M.Th.(S.Korea) makaihna tawh PAJU Angel Hospital (NGO),S.Korea pan Siavuan Siamah kigawm mi 22 te in Man ngenlo Cina velna le Zatui piakna (Free Medical Service) pen February 11,2015 ni akipan nei uh a, zatui man ngen loin pia zihziah uh hi. Tuni Feb. 13,2015 ni bekbek mi 200 val cina velin zatui pia khin uh a, tu nipi kaal sung Feb.19,2015 ni dong sem ding uh cih kiza hi.

Hih Free Medical Service pawlte in Set van cina velna zong tampi pua uh a, cina damlote lim vel mahmah uh hi. Zatui ngahte lakah numei khatin tang khat US$ 100 man tang 6, kha 6 sung kha khat khat vei nek ding zatui manpha mahmah Ks. 600000 val man mikhat in a ngah cihna ahi hi. Hih vaiah amakai Sia Thang Gin Mung pen khangno lai mahmah hi-in, abeisa kum 3 sung S. Korea gamah LST thuthuk sinna M.Th. Degree a zawh khitteh minam le veiina le zuunnopna tawh " Zomi National Uplift Society (ZONUS) phuankhia in, hih min mah tawh minamte a zuun thei ahi hi. Mai lamah ZONUS maban ngimnate khempeuh ah Topan a lamdang in thupha hong piaksak semsem ta hen.


Source: Tedim Post

Posted: Tongsan Tanute

10993094 796950183707664 5462207219500820273 n

 

 

Zo Khawmpi Kibawl Ding

PDFPrintE-mail

Last Updated on Tuesday, 10 February 2015 22:59 Written by Tongsan Admin Tuesday, 10 February 2015 21:40

zok1

I sanggam Zote in tukum Zo Khawmpi pen February 18-20,2015 sung teng Sagaing Region, Kalay Towship huam Tuikhal khua ah Zo Minam Ni-2015 tawh gawmin thupitak bawl ding uh a, gam sung gam pua sim le maal pan Zo kici khempeuh kikaikhawm ding cih thu Pa Kham Suan Mung ( Tuikhal Hausapa) in Pu Zo net ah pulakna nei cih kiza hi. Tua khawmpi ma February 10 ni akipan in Kaangtei (bawlung) kidemna zong nei ding uh a, khua 16 kihel ding cih thu Tuikhal hausapa in genbeh hi.

Ref: PuZo News Nett

 

 
 

ABCUSA Makaipi Kachin Gam Hawh

PDFPrintE-mail

Last Updated on Tuesday, 10 February 2015 23:10 Written by Tongsan Admin Tuesday, 10 February 2015 20:52

10984272 818556094846144 3660560207145453905 n

Abeisa nung kha sunga kithat Kachin Sang siamah 2 te vai tawh kisai thupiangte thei nuam le Kachin Baptist Convention (KBC) Khawmpi sim kawmin American Baptist Churches of USA (ABCUSA) pan Dr. A. Roy Medley (General Secretary) leh American Christian Council makaipipa abeisa February 6,2015 ni-in Kawlgam ah hong zin uh a, Kachin State-Myitkyina khuapi ah KBC min tawh thupitak dawnna nei uh cih kiza hi. Tua banah Kachin MP te tawh kimuhkhopna nei uh a, tua laiah sang siamah kithatte' vai bekbek mah kikuppi in nei uh ci hi. Tua thukikupnate pen America gam a tun kik ciangin, US President Obama tungah gen pah dingin genkhia ci hi.

Kachin Sang Siamah nih mulkim huaitak a kithatna hangin Kachin gambuppi linglawng in kap ziahziah uh ahih manin, Kachin tangthu ah amang thei nawnlo dingin ciamteh uh ci hi. Tua banah hih Siamah nih a thatte muhkhiat zawhna ding Committee phuankhia uh a, Kawlgam kumpite tawh mapang khawmin akitheih mateng kankhia ding uh cih kiza hi.

Source: Kachin News

10959748 818556124846141 4147545235621786404 n

 

 
 

Page 12 of 711

TONGSAN Video

TONGSAN Photo Gallery

TONGSAN Weekly Journal

Who's Online

We have 316 guests online
Joomla Templates and Joomla Extensions by ZooTemplate.com