Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

2014-2015 Tansawm Zolia Khatin (All D) Ngah

17648 841535239259343 208852000195028363 n

Kawlgambup Tan 10 te laisin kum 2014-2015 ading laivuanna tawh kisai a gualzo pulakna (Result) pen June 6,2015 ni-in Tangkona kinei a, kum dang sangin lai ong/ zo tam zaw cih kigen ciat hi. Tua sungah Zogam ading Tedim gamhuam sung pan 4D 1, 3D 2, 2D 17 le 1D 84 cih bangin pil tungtuanna(Distinctions) pen sangnaupang 104 bangin hong ngah thei uh cih kiza hi. 

Tedim gamhuam ah laivuan sangnaupang vekpi 1535 lakah 384 in gualzawhna ngah cih thu Tedim gam pilsinna sang zumpite in genkhia uh hi. “Zogam sunga om khua huamte lakah Tedim khuahuam pen lai ong a tampen hi ding hi " ci-in Sangzumpi asem Siamah khatin gen ci hi. Tua banah tukum laivuanna ah Manglai (English) pen haksa kisa ciat ahih manin, a tamzaw kiatna bulpi pen English (74.98%) bang hi ding ci hi. Manglai pen tukum kinangh mahmah hi” ci-in Tan 10 laisit a pai Siapa khatin ama muhna genbeh hi. 

Piltung tuang 4D le 3D ngah sangnaupang thumte
1) Lia Cing Tan Niang (Kha Tah 95)
Physics, Chem., Maths, Bio
2) Lia Cing Kot Niang (Kha tah 92)
Chem., Phys., Bio.
3) Lia Vung Ho Nuam (kha tah 294)
Maths, Phys., Bio.

Yangon pan laivuan ahi Zogam, Tedim huam Pimpih khuami Pa Lun Za Pau le Nu Niang Khan Man te tanu Upen Lia Cing Deih Lun in Yangon TTC Kamayute sang pan  All (D) Science tawh gualzawhna hong ngah ahihman in a Nu le pate banah Zomibup tangin Tongsan Media Group in lungdampihna lianpi i nei hi. Lia Lunnu i maban ah i biak Pasian in hong makaihsak lai ta hen.

Tua banah hong nusiasa Siapi Kung Za Mung' phuatsa Ciimnuai Laisinna Sang, Kawlpi pan zong a nuai abangin lawhcinna thupitak ngah uh hi. All D (1), 5-D (3), 4-D (2), 3-D (4), 2-D (2), 1-D (16) hi-in, Laivuan khempeuh sung pan (64.04%) percent ngah uh uh ahih manin, Zomite angtanna lianpi khat mah ahi hi. Ciimnuai Pilna sawmte zong Topan thupha pia in hong makaihsak zel hen.

Kawlgam bup huam lai ong sazian deih bangin kitheikim zo nailo ahih manin, a hun zui-in kizasak toto lai ding hi hang. A gualzote i lungdampih  mah bangin, a lungleng thanem a om a kiate zong lungkia hetlo in mai kumah gualzawhna sangpipi hong ngahna ding uh Thungetna tawh mapanpih ciat ni. A lungkia pahpahte migina lo cih LST kammal mah siksan in kalsuan ding hi hang.

Source: Zingsol & Pau Mung

Posted: Tongsan Media group 

11407228 1090286560987346 9012853079480788679 n

 

  • comments