Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Zomi Idol 2015 Winner Hihna Kilakkhiatsak

Zomi Idol 2015 28

Leitungbup a om Zomiten i theihsa ciat mah bangin, Zomi Music Uplift Society (ZOMUS) Central makaihna tawh Leitungbup Zomi Idol (Global Zomi Idol 2015) cih bawl ding khensatna om bangin, Global Zomi Idol Committee le ZIUSA te' innteekna tawh a (1) veina Global Zomi Idol 2015 pen abeisa July 2-4,2015 sung Tulsa khuapi,USA ah thupitak le lawhcing tak kibawl khin hi. Tua laiah kihelthei/ kidemthei dingte a gamgam pan kidemna le kiteelkhiatna kinei masa-in, India gam pan Zomi Artists Association (ZAA)te' vaihawmna tawh Zomi Idol India 2015 min pua kidemna bawl uh hi. Tua lai pan lasiam Lia Ching Ngaih Lian in (Zomi Idol India 2015 Winner) ngah hi.

Lia Ching Ngaih Lian pen a (1) veina Global Zomi Idol 2015 kidemna (Competition), Tulsa, USA ah pai theihna dingin US Embassy of India ah Visa a ngetna panin kamsiatna tawh Visa ngahlo zenzen hi. Tua banga US Visa a ngahloh ciangin Zomi Media Network tuamtuam pan alawm a gualte' tungah Zomi Artists Association (ZAA) makaite le Zomi Idol India Organizer te mawhsakna thu nasiatak a pulak kawikawina hangin, ZAA Comiittee le Zomi Idol Idia 2015 Organizer in August 7,2015 ni-in Lia Ching Ngaih Lian pen Zomi Idol India-Winner or Top (1) hihna (Title) pan khawlsakna / lakkhiatna (disciplinary action) nei uh a, ama munah Lia Lawmnakim Hrangate pen Zomi Idol Idia-Top (1) dingin kipsakna nei ta uh cih kiza hi.

Hih thu tawh kizui-in, Lia Ching Ngaih Lian pen tuni August 7,2015 ni akipan Zomi Artists Association (ZAA) min tawh kibawl lasakna munte khempeuh ah kum 1 sung tawntung lasakna le ZAA makaihna tawh kibawl lasakna Tausang tung (Stage) luah thei nawnlo dingin pulakna nei uh ci hi.  Tua hi a, ZAA le Zomi Idol India Committee in anuai a bangin Zomi Idol India 2015 Winner lists bawl thak kik uh hi.

- Zomi Idol Top 1: Miss Lawmnakim Hrangate
- Zomi Idol Top 2: Miss Tracy Ngaihching Gangte Zomi Idol Top 3: Miss Mansiankim
- Zomi Idol Top 4: Khokhol Gangte
- Zomi Idol Top 5: Hnunhoih
- Zomi Idol Top 6: Thiansong
- Zomi Idol Top 7: Joycee Chingremsiam
- Zomi Idol Top 8: Nausi Nemdoikim
- Zomi Idol Top 9: Julie Thiembiekmawi Gangte
- Zomi Idol Top 10: T. Biaksang

Source: Sia Dal Sian Pau (Secretary of ZOLLS, India & Phualva)

Edited and Posted: Tongsan Media Group

Zogam Artiste Association

  • comments