Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Tuikhingzaang / Hakhalay Buancim in Vukcip

4

Tonzang gam Tuikhingzang (Hakha lay) zong kici khua ah August 28,2015 ni zingsang tung (3:00Am) hunin guah tam luatna hangin, a khua khung a mual kicim ahih manin, tua mual pan buancim tui bekbek khua sungah nasiatak luang suk ci hi. A kitheih phetin kihepkhiat ding kitangko pah a, a tai manman tai in Inn tung le singkung tungah a kah manman kah uh ci hi. Zingsang lam nai (7:00 Am) hun pawl ciangin, khua sung dimin Buancim tuipi in tuamcip ta ahih manin, mi 20 val buancim in vupcip in, a kimu nailo bangzah om ding cih thu kithei cian nailo cih thu Tonzang khuapi ah a delh to Zogam (Chin State) Ukpi Pu Hung Ngai le Electric Minister Pu Cin Lian Pau te in Irrawaddy Media te' kiangah gen uh hi. 

Tua khua pen luipi nih kikal ah om uh a, a khuazangbup inn 180 kim pha uh hi. Zomi,Thahdo(Kuki), Hakha, Mizo leh Kawlte tawm khat cih bangin teeng khawm uh hi. Minam zui-in a vengveng in kikhen in teng phei liliai uh a, Yazayo pan lutna tuahcil lamah Thahdo (Kuki) te, khualai ah Zomi te, tua zomah sanggam Hakha te (Hakhalay) kicihna cih bangin teng khawm uh ci hi. Nung July kha guah tampi sung tui khan mahmah lai-in singluang tampi tuikhangpi in taisuk ahih manin, sanggam Thahdo (Kuki) te teenna veng sung nasiatak nawk mangin kituah khin uh ci hi. Ahi zongin sanggam Hakha te' tenna veng Hakhalay sung teng pen nasiatak vuk/ tuamcip mah leh Zomite' teenna veng lam banlo (sukha lo) cih kiza hi.

Hih tuahsiatna tuak khuamite a honkhia dingin a khua veng ahi Phulmawi le Chan-elzawl khua mite a pai uh hangin, buancim tuipi in khakcip ahih manin khua sung lut theilo uh ci hi. Mihing bek hi loin, ganhing te ahi Ak,Vok, Bawng, Lawi cihte akipan a si le a awkcip tampi om ci hi. Hih Tuikhing zang / Hakhalay khua pan August 29,2015 ni a sun a zan mahin kituahkhia uh a, Zomi-Mizo le Thahdo teng munkhat kigawm khawm pah uh a, sanggam Hakha teng pen Tai (Miles) khat kigamlatna munah phual tuam sat uh ci hi.

Hih dongtuakte huh dingin Kawlgam kineihsiam Wai Luh Kyaw (WLK Foundation)ten huhna pia pah uh a, tua huhna vante Khitui Gospel te in meigong leh tagah zawdeuh inn 12 te' zatpah theih dingin nisa tawh thadim kik thei meivak (Solar System) leh phone thadimna akituah Inn khatah khat ciat va piakhia pah cih kiza hi. Tua bek tham loin, hih Dongtuak sanggamte kiangah " HEHNEPNA CRUSADE" cih min tawh Lungdamna thu tangkona neih ding geelna nei uh a, guah tam luatna hangin kipanthei pak nailo cih thu Evan. Langh Do Khup tung pan kiza hi. Tuni ciang dong mah i sanggamte a silo sunsunte' maban nuntak khuasakna ding Zomi kipawlna tuamtuam panin huhna le panpihna kipia ziahziah cih kiza hi.

Source: Evan Do Khup & Tedim Post

Edited and Posted: Tongsan Media Group

11947657 806686922762753 779250595323814343 n

  • comments