Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

India Zomite sung Buaina Nasia

 85316587 e86410a2 c4b4 4b40 a59c 2308d01302a9

India gam Zomite khuapi ahi Lamka khuapi ah mipi teel palaai MLA (Member of Legislative Assembly- MLA makaipi mi 6 te' teenna inn August 31, 2015 ni-in mipi in halsak uh ahihman in, Manipur palik ten mi 8 akaplup banah 50 val liam tuakin zato ah kipuak cih kiza hi. Hih buaina kipatna bulpi pen Manipur gamkee (State) sung a om Zosuan Singtangmite' teenna gam le leitang tungah thuneihnate pen Meitei (Kateh) le Naga te'n suksiatsak/ lakkhiat sak sim dingin Manipur gamkee innpi (State Assembly) ah thukhun a bawl simna hang ahi hi.  Tua akibawl thusim pen Manipur Zomi mipite' teel MLA te in Manipur Assembly ah nial ngamlo / pulakkhia ngam lo uh ahih manin, MLA te' tungah mipi sinso in buaina lianpi piang cih kiza hi.

Tua thubulpi nam thum sungah a thupi pen khatin; Zomi leh Kuki akipan singtaang mite' neihsa leitang tungah Meitei leh Naga te'n a utut in thunei thei ding cih thu ahi hi. Hih thukhun tawh kisai Manipur Governor of Chief Minister pa in letmat thuh ding bek kisam lai a, Letmat thuh ngeingei leh Zomi ten gam le leitang neilo ding banah thuneihna zong kinei nawn loin, minam bei ding dinmun hita ding cih kilauthawng mahmah hi. Hih thu hangin Lamka khuapi akipan New Delhi, Bangalore, Shillong khuapite ah Zosuan khempeuh in September 2,2015 ni-in a munmun a om India parliament maite ah lungphona(Protest) nasiatak nei ziahziah cih kiza hi.

Tua banah India gam bek hi loin, leitung gam tuamtuam a om Zomite le adiakdiak in Zomi Innkuan USA (ZIUSA) makaihna tawh USA gambup a om Zosuan khempeuh kikaikhawm in September 8,2015 (Tuesday- 09:00-11:00 Am) sung Indian Embassy mai, Washington DC ah lungphona (Protest) nasiatak kinei ding cih ZIUSA makaite tung pan kizasawn hi. Tua bek tham loin, hih Manipur Zomite buaina tawh kisai thubulpite hangin lungkimlohna thusuah (Statement) a khahkhiat banah gam ading nuntakna a piakhia sanggam mi 8 te'ading Laizom Lainatna Sumpi cih min tawh sihgalna leh dahpihna puak uh hi. Hih buaina tungtang ah ZIUSA in Manipur Zomite tawh kibangin mapang khawm suaksuak lai dingin thusuahna sungah pulak cih kiza hi.

Source: Thangboi-Yangon & ZIUSA

Edited & Posted: Tongsan Media Group

11901441 1001949563188992 7982285442214111982 o

  • comments