Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Tulaitak Manipur Buaina Thu Tomkim

15585092 1012927978854028 8908397492629844965 o

Manipur ah Meitei te leh Naga te ki buai cih tunai teng ka sim khak ciang, a thu a ki cing a thei nuam in ka kan kawi kawi hi. Kei bang a, a thu (background) tawm tawm a tel nuam e om le ci in News sung a ka sim khak teng hong hawm sawm pong hing e. Kei sang manipur (Lamka) lam a sanggam ten tampi tel zaw tham in the. A ki sam a om leh hong na puahsak/comment sak tek vo.

Manipur state sung a a huam pi in minam pi 3 om ki ci hi. Manipur (Meitei), Naga leh Kuki (Kuki + Zomi) te a hi uh hi. Manipur lam ah zong ei Zomi te pen Kuki ci leng lah hi lo. Kuki hi lo ci leng lah hi ta tak lo. Ci dan khat hi leh ki lawm sa ing. Tulai tak a Chin leh Zomi dan mah a hi tam maw ci ing. Chin state Zomi te zong Chin hi lo ci leng lah e ZCD MP pawl khat na ngawn in kawl/chin media te khiang a thu ngen na ah "ko/ei Chin" te mah zong a na ci om lai muak hi ven. "Chin lah hi lo, lah hi ve ve" cih pen tulai tak e din mun hi leh ki lawm sa ing. Manipur lam ah zong Zomi leh Kuki pen tua bang pian a hi tam ci pong in (ka up mawh hi). Lai at pa khat at dan pen hoih sa ing. Old Kuki group a ci leh Zomi hi hel. Kuki bek a hi leh ki hel lo. Tuan dan mah in Old Chin group a Zomi hi hel. Min vai bel tua zah ci phot ni.

Tua minam pi 3 te tawh Manipur Chief Minister pan politics hong ki mawl hi ki ci hi. Manipur pen tulai tak India Opposition party (Congress) khut sung ah om hi. Tulai tak India kumpi pen BJP party ten len uh hi. Manipur state kumpi leh India Centre kumpi a len party ki bang lo hi. Naga te pen India ah Nagaland cih state khat nei khin uh a, tua ban ah Manipur ah zong tam sim sim om ve ve lai uh hi. Manipur state ah district 9 om a tua sung a 5 pen mualgam hi a, 4 pen zanggam hi. Naga, Old Kuki group te pen mualgam teng ah teng a, meitei te a hi leh zanggam teng a teng uh hi. Tua sung a a ki buai pih mah mah district khat pen Senapati district a hi hi. Senapati district sung a Sadar Hill a ki ci sub-division zong ki hel a tua mun ah pen Kuki te tam pen hi. Senapati district bup pi ah a hih leh Naga tam pen hi. Kuki lam ten Sadar Hill pen district a tuam piak ding ngen den uh a, Naga ten pia nuam lo den uh hi. Tua hang mah ih Naga leh Kuki te buai na tampi piang khin hi.

Adang khat pen Jiribam sub-division hi a, tua pen West Imphal district sung ah om a, a hi zong a leitang ki zom lo hi. Naga te tampi a teng na Tamenglong Dictrict tawh a lei tang ki zom hi. November kha pan ki pan in Naga ten Jiribam leh Sadar Hill (Kangpokpi) te district piak ding deih lo na lahna in Imphal khuapi pai na lampi (High-way) 2 khak (block) cip sak uh hi. I gensa mah bangin Manipur ah Congress party ten kumpi sem a, India a BJP in kumpi sem hi. Nagaland ah a hih leh NPF (Naga People Front) ten kumpi sem uh a, NPF leh BJP te pen alliance aki pawl a hi uh hi. Meiteite sung a zong ah BJP pen hong popular sem sem hi. 2017 ciang in ki tel na om kik ta ding hi. BJP te in Meitei te leh Naga te vote tawh Manipur state kumpi ngah ding gelna/lam et na tampi nei uh hi. Tua pen tulai tak Manipur Congress kumpi te lung hi mawh sim sim uh hi.

Tua teng hang mah in 8 Dec 2016 ni in Manipur Congress kumpi in Manipur gam sung ah Dictrict thak 7 piak ding hong tangko uh hi. Tua thu hang in Kuki te leh Meitei te lungdam mah mah a, Naga te a hih leh tangtel siktan bang in nak heh mah mah uh hi. Naga te hong ki tom uh a, India Central kumpi (BJP) in zong Manipur Congress kumpi te pen pakta het lo hi. Lamka District sung pan Pherzawl (Hmar te tam) in district tak hong ngah hi.

Merry Christmas!!!!

By: Mungsen

 

15578270 1012927995520693 7381066689521085958 o

  • comments