Log in Register

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

US President Thak Donald J. Trump in Innkangpi Luah Taktak Ta!

fcbfe9bf9e9f35b073fd2c6406cb95fd

(45) na US President angah Mr. Donald J.Trump le Vice President Mr. Mike Pencete’ US President suahna hunpi (Presidential Inauguration)pen geelna omsa bangin January 20,2017(11:00ET) hunin White House Capitol hill, Washington ah thupitak kibawl in, Chief Justice Robert in Laisiang tho len sakin Pasian mai le US mipi tulza asimte maiah kiciamna nei sak hi. Tua kiciamna ah a zat LST te pen US President masapen Greoge Washington i zatsa le Donald Trump a neulai Sunday School akahlai pek ama Nu in a zat LST zanghin kiciamna nei hi.

Hunpi sung thungen ding kisehte lakah, nidangin Muslim siampite zong thupha pia dingin Stage tungah kitusak a, tutung in Muslim siampu kihello hi. RC Bishop, Orthodox siampi, Baptist, Presbeterian leh Para / Evangelical Ministerte, mivom, mikang leh Hispanis pastor cihte kihel kim uh hi. Evangelical pastorte lak pan Rev. Flanklin Graham le Rev. Paula White kihel uh hi. Kiciamna hunah Pasian mizat minthang Rev. Billy Graham i tapa Rev. Franklin Graham in LST mun 2 Khang. 1: 9-12 sung simin thungetna nei in, adang Pastor khat le Jews siampu khatin tawpna thupha piakna nei uh hi. President Donald Trump in, Pasian nasemte lakah Rev. Flanklin Graham le Rev. Paula White te a pahtak mahmah khat hi-in kigen hi.

 

Hunpi kipat ma-in, White House kiang a om taanglai Greek Revival St. John's Episcopal Church ah biakpiakna nei masa uh hi. Hih St. John's Church pen US President sem khempeuh a kiciamna neih ding ciangin, zingsang kikhop masakna munin a zatna uh hi a, tutna tungah President te’ minte kigelh hi. President suahna pawipi ah President sem luite ahi President Jimmy Carter, President Clinton, President Bush le President Obama te kihelthei uh hi. Mormon Church Choir le Washington State University sangnaupangte in Choir sa uh hi. Kiciamna man khit phetin a khawlta ding ahi President Obama te nupa tawh kikhen pah uh a, Obamate nupa vanleng kiang dong a va khak khitteh, naseppih luite tawh mangpha khakna hunpi nei dingin Capitol Hill pan Helicopter tawh Maryland lamah leng suak pah uh hi.

 

President thakte lawmta bel White House sung mahah nitak ankuang Luncheon Ceremony umna kumpi uliante le saptuamte tawh thupitak nei uh a, Senate Majority le Cabinate makaite in thugenna nei ciat uh hi. President Donald Trump a deih mahmah om mah bangin, US mipi tamzaw phialin deihlo veve ahih manin, Washington DC sung bekbek ah mipi 800000 valin lungphona nei uh a, aliam abai a om banah 100 val kiman pah ci hi. Tua banah Congressmen 50 kimin President thak lopna pawi bawlloh dingin nasiatak nialna nei uh ci hi.

 

Bangbang le Mr. Donald J.Trump in Mrs. Hillary Cliton tawh kidemna ah guallel ding akilamen kimlai Mee(Vote) 51-44 tawh gualzawhna ngah ahih manin, US President khempeuh lakah lamdang tak a gualzawhna ngah khatin kiciamteh hi. President Donald Trump pen Pasian um mahmah ahih mah bangin US gam le mipite LST tawh makaih dingin khensatna nei ahih manin, US gam in khantohna le khanlawhna lianpi om ding lametna kineihpih ciat hi. (Source: CNN)

 

18f4e68cc025a33edebca10691a828ce

Inauguration20082017 large trans NvBQzQNjv4Bqeo i u9APj8RuoebjoAHt0k9u7HhRJvuo ZLenGRumA

JS118368571 EPA US Presidential Inauguration large trans NvBQzQNjv4BquGjleWZtSDufebIykVB1XOOXFaYu1eG TYSKdcLZsfA

  • comments