Sagaing Division sung a om Mipi galkap (Revolutionary PDF) kipawl khawmte in nung kha sungin a lakkhiatsa uh Khampat khuapi pen SAC pawlin a ngah kik zawhna dingin galkap 200 kim tawh galdona a neihna ah Mipi galkap PDF kipawl khawmte ii vikmangna hangin, a galphual teng uh kizancip ahih manin, tuni December 16, ni zingsang in nungkik in taimang uh cih kiza hi.

SAC pawlte pen No. (1), Command makaihna nuai ah Special Battalions of Sagaing Division, District Regiment pawl, Mipi kem pawl (Pah Kah Phah) leh Revolutionary Force kipawl khawmte in do khawm uh a, tuni December 16 ni zingsang tungin SAC pawl galphual teng kisiacip in taimang uh cih NUG – Ministry of Defense Department in pulakkhia hi. Kikap khitah galphual etcianna a neihna pan SAC pawl ulian (Officer) akihel misi luang 10 val kimukhia cih thu Ministry of Defense (NUG) in genkhia hi.

Khampat khuapi a om PDF galkap khatin a genna ah, ” Tu ciangciang SAC misi luang kimusa 20 val pha ta, Thau zong kingah lai. SAC te bel galphual makaipi (platoon leader) zong taimang ta” ci-in gen hi. SAC te kiang pan MA- 10 RPG7 lawng 1, MA – S1 MK2 lawng 1, leh Thau nam tuamtuam mal 17 kingahkhia ci-in gen hi.

December kha bul akipan SAC pawlin Khampat khuapi sim uh a, Vanleng zong tawh tam veipi bomb khiat ngekngek uh hi. Mipi galkap PDF te kipawl khawmin nasiatak kido khawm ahih manin, SAC pawl in lel mahmah bek loin, nungkik in a taimang uh hi ta ci-in Tualsung mite’ tung pan kizasawn hi.

Hits: 1

Byadmin

Leave a Reply

Your email address will not be published. Required fields are marked *