Chin State sungah minam kee tuamtuam min pua thau tawi kipawlna leh mipi thautawi kikhaikhopna ahi Chinland Joint Defense Committee (CJDC) kipawlna pen kiphiatsiang / bei ta ci-in CJDC thugenpi khat in pulakkhia hi. CJDC pen Chin State sung-a EAO ahi; CNA leh Township zui-akiphuan Revolutionary Force thautawi kipawlna 9, a mun zui-a thautawi kipawlna 7 leh CDF (KKG) te kipawlkhopna hi-in, abeisa August 2021 sungin pawl 18 tawh kiphuankhia hi.

Hih kipawlna CJDC Member tengin 2023 December 15-16 ninih sung thu kikupna nei uh a, tua lai pan atamzaw thukimna tawh kizui-in CJDC kipawlna beisak / phiat siang dingin khensatna nei uh cih kiza hi. Hih thukikupna hunah CJDC pawlmi (member) khat mah ahi CDF- Daai te kiheltheilo hi mah leh adang pawlmi (member) teng kihelthei uh cih kiza hi. “Chinland Council a om khit akipan thukhun tawh kizui-in Chin State sungah Defense Army khat bek om kul ding ahihna dung zui-in, CJDC kisam nawnlo” ci-in CJDC thunei khat in genkhia hi.

CJDC pawlmi sung pan Chinland Council sungah akihello pawl 14 om a, akihel thei nai lo pawl zong om lai, ci-in gen beh hi. CJDC in Special Commando pawlin Chin State sung Laiva gal, Timit gal, Tibual gal, Thantlang gal banah SAC galkap pawl tawh kido / kikapna sungah abeisa 2021 August pan 2022 kum bei dong kihel hi. NUG phualpi pan Thau lawng 100 piakhia uh a, CJDC in 2022 August kha-in ngah uh himah leh lamkal-ah SAC pawlin nawngkai sakna hangin kipawlpih CNA pan 1, CNDF pan 1, CDF-Mindat pan 1 leh CDF-KKG pan 1 in nuntakna bei lawh uh hi.

2023 January kha sungin galvan kitangsapna hangin Special Commando Unit pen tawmvei kikhawlsak in, galvante pen EAO, township leh mun leh mual zui-in kihawmkhia cih kiza hi. Tua bangin akihawmna ah CNA in Thau lawng 9, Township zui Defense Force khat ciatah Lawng 6 ta, Local Defense Force te pen lawng 3 ciat leh a om lai Thau pawl khat pen akisam PDFs tungah kipiakhia cih kiza hi.

Hits: 3

Byadmin

Leave a Reply

Your email address will not be published. Required fields are marked *