June 22, 2023 || Tongsan Media Group ||

Manipur State sung a nam lian pen Meitei ten Kuki leh Zomite simmawh, bawlsia, nengniam bek tham loin, a dona tawh kisai in, a beisa May 17-18, 2023 sungin Joint MLA, Innpi leh CSO ten Aizawl, Mizoram ah Meeting thupi tak nei uh cih kiza hi. Hih meeting tungtawn in maban kalsuanzia ding tawh kisai vaipuak nei ding Makai pawl “Core Committee on Separate Administration- CCSA) phuhkhiat ding geelna nei uh ci hi.

Hih vaipua makai kiteel theihna dingin Kuki Innpi Manipur (KIM), Zomi Council (ZC) leh ITLF pan palai nih ciat sawl dingin thukimna nei uh hi. Hih palai ten May 28, 2023ni- in Aizawl ah meeting nei kik uh a, tua panin “Core Committee on Separate Administration” phuhkhiat thei bek tham loin, Interim Chairman leh Secretary zong guang pah uh ci hi. Tua banah hih makaite nasep kipattheihna dingin Aizawl ah Liaison Office hon dingin hoihsa uh a, Liaison Officer dingte zong teelkhia pah uh hi.

Kuki Innpi Manipur (KIM), Zomi Council (ZC), Hmar Inpui, Mizo People Convention (MPC) leh ITLF pan palai nih ciat kiteel uh a, tuate in June 2, 2023 zingsang (11:00am) hunin Mini Auditorium, Dorcas Hall, New Lamka ah Expansion and Induction Programme nei uh hi. Executive Body bawlkhia in anuai abang in vaipuak / panmun kiteelna zong nei thei pah uh ci hi.

Executive Committee:

Chairman-Suominthang Doungel,

Vice Chairman – Hauneilal Vaiphei

Vice Chairman (External) – Upa R. Tawna Khawbung

General Secretary – Thangbiaklian Hangzo,

Financial Secretary – S. Lianbawi Vaiphei

Tresurer – S. Ngaineikim,

Information and Public Relation – Golan Suanzamung Naulak

Executive Members:

Rev. Dr. V. Lalnghakthang,

Lalrinlien Joute

H. Mangcinkhup

Ex-Officio Members:

Hmar Inpui,

Kuki Innpi Manipur (KIM)

Zomi Council

Mizo Peoples Convention leh ITLF pan member nih ciat kila ding ci hi.

Core Committee on Separate Administration, Expansion leh Portfolio kihawmzawh ciangin Pastor MT Khanlal Guite (Local Pastor of EBCC Hebron) in makai thakte Topa’ tungah apna leh thupha piakna nei hi. Core Committee on Separate Administration (CCSA) in Regional Office munli ah hong dinga, tuate ahih leh Lamka, Pherzawl, Kanggui, Chandel, Tengnoupal, Va-ngai, Jiribam leh Tamenglong sung pan teelkhiat hi ding ci hi. Core Committee on Separate Administration in join MLA, Innpi, CSO leh kipawlna tuamtuam te tawh kithuza in nasem khawm ding uh hi. Mipi ten thapia siam ciat ding leh thungetna tawh mapanpih dingin cialna nei uh cih kiza hi.

Reported by: Sawm Thomte (Rongsan Reporter, India)

Hits: 37

Byadmin

Leave a Reply

Your email address will not be published. Required fields are marked *