Sagaing Division, Kalaymyo khuapi sung Phai (Hlaingthaya) leh Singunau veng kikal a om Setmuh-zone (Kalay Industry Zone) kiangah December 9, 2023 nitak lamin bomb puakkham a, Tualsung mi nupi kum 30 gual khat si-in, kum 20 gual khangno tangval khat liam cih thu kiza hi. Hih bomb puakkhapna hangin a si nupi nu i pasal pen mawtaw hawl khat hi-in, a liam khangno tangval pen mawtaw nungzui dingin a cial uh ci hi. A liam tangvalpa pen nupinu tawh a ton khawm hi in, a khut leh a khe ah liamna nasia mahmah ci hi.

“Nupi nu bel bomb puakkhapna phual ah si pah himai! A nasem dingin a sap uh khangnopa pen a lawmpa kiang Mawtaw omna ah Motorcylce tawh a kha dingin a pai khawm uh suak ve” ci-in tualsung mi khat in gen hi. Nuntakna a bei lawh nupinu pasal pen vanpua mawtaw hawm hi-in, Mawtaw nungzui ding a sap pa tawh Motorcycle zangin, Sekan khua hanmual kim akhen khit ciangun, bomb puak kham ci hi. A liam tangval pa pen Kalaymyo zatopi-ah kibawl laitak ci hi.

Abeisa October 7 ni-in Sekan khua kimah SAC galkap pawl leh tualsung PDF te nasiatak kikap uh a, SAC pawlin Sekan khua sungah mipite’ inn le-lo tampi tak haltum sak uh hi. Tuni dong Sekan khua kimah SAC pawlin galphual sat lai uh ci hi. Tua banah abeisa August 12 ni-in zong SAC pawlin tualsung mi kum 50 gual nupi khat leh kum 30 gual khangno khat Sekan khua kiangah man uh a, a tuanna Cycle tawh haltum uh hi.

Hits: 2

Byadmin

Leave a Reply

Your email address will not be published. Required fields are marked *