Chin State, Tedim township Kamkam Police Station kim a om khuamite muanhuaina mun lamah kihepkhiat dingin CDF-CDM (Siyin) pawlin pulakkhia hi. Tedim township sung a om Taingen SAC Camp kilakhia khin a, tun Khaikam khuapi a om Police station pen a sawt loin, busim in kilakhia ta ding ci-in CDF-CD; (Siyin) in genkhia hi.

” Tai 9- Khai Kam khuapi a om khasum sang Kumpi nasemte leh akim a om mipite in, kikap / kidona om ma ngeingei in CDF-CDM (Siyin) te kiangah hong kipumpiak (Surrender) ta peuh un” ci-in CDF-CDM (Siyin) pan tavuan nei khatin genkhia hi. Khai Kam khuapi pen Kalaymyo pan Tai 9 gamlatna, Kalay – Taingen lampi tungah om hi.

“Mipite taikhiat mengmeng ding hong kizasak khin ahih nung sang pello in kihepkhiat kul ta ve. Nuntakna thupi hiphot hi” ci-in khuami khatin genkhia hi. Taingen khua a om SAC Camp pen abeisa January 16, 2024 ni-in CDF-CDM (Siyin) makaihna tawh Chin Defese belpawl tengin busim in, lakhia khin ta uh hi.

Tua banah kha 2 sung akikhakcip Kalay – Taingen lampi zong tuni January 22, 2024 ni akipan kihong kik, kizangkik thei ta cih thu CDF-CDM (Siyin) pawlin tangko uh hi. Kalay – Taingen lampi pen Kalaymyo pan Tedim leh Falam khuapite tawh kizopna lam lianpi ahi hi.

Hits: 0

Byadmin

Leave a Reply

Your email address will not be published. Required fields are marked *