“1027 Operation ” thukimpihna leh muakna tawh CNDF, CNDF, SR2, RCDF, ABSDF le Tamu battalion (Ministry of Defense)te kipawl in dokhawm uh a hi hi. Hih PDF kipawlkhawmte in Khampat khuapi, Tibual galphual le Kalaymyo Myuakshi Police station palik teng a banban in busim in lakhiazo uh cih thu Chin Organization Organization (CNO) in pulakkhia hi. Abeisa Nov. 3 ni-in Khampat SAC palik phualpi sim uh a, Nov 5 ni-in lakhiazo uh hi. Tua Khampat Palik phualpi simna ah SAC palik khat si in, MA 2 Thau lawng 3, M16 lawng1, Short Gun lawng 2, 40MM lawng 1 leh Pistol 2 ngah khia uh a, mipi galkapte a si a liam omlo ci hi.

Tua banah Kalay twnship, Myaukshi khua palik phualpi zong Nov 4 ni-in lakhia kik uh a, SAC galkap 10 si uh hi. Thau nam tuamtuam lawng 10 val leh thautang tang 3000 val, landmine le bomb zong tampi ngah uh hi. Nov 7 ni-in Khampat SAC galkap phualpi Khah Lah Yah -228 battalion busim in lakhiazo leuleu uh a, tua lai ah SAC galkap 5 si uh a, mipi galkap lamte pan Salai Lal Pek Thanga (CNDF) in gam le minam a ding a nuntakna piakhia ci hi.

Mipi galkap kipawl khawmte in SAC-galkapte’ a ding vanleng tawh a kikhiat galvan pawlkhat ngah beh lai uh hi. Nov 14 zankim (11:00pm) hun pawlin Falam township a om SAC te galphual khat mah ahi Tibual Camp busim in nai kal (4) sung bang kikaptuah ngekngek uh ci hi. Nov 15, 2023 ni-in SAC galkapte guallel lua uh ahih manin Tibual phual nusia in taimang uh ci hi. Hih Tibual SAC galphual ah Thauvui thautang tampi tak leh nek leh dawn van tuamtuam akipan vok le ak zong tampi ngah uh ci hi. Tua banah hih kikapna ah CNDF te 2 liam in, tua galkap phual zong CNDFte in haltum sak uh hi.

Hits: 5

Byadmin

Leave a Reply

Your email address will not be published. Required fields are marked *