Sagaing Division, Khin U township nitumna lamah ukna buluh (SAC) galkapte’n galmai nawkna hangin Tualsung mi 10000 kimte galtai in bumang uh cih thu Khin U Dog Killer pawlte’n genkhia hi. Zanni (February 5) zingsang lamin Ye Oo Tranditional Hospital pan SAC galkap 100 kimte galsim ding kuan khia uh a, Khin U township sungah galkidona hangin khuaneu 15 pan khuamite galtai in, inn leh lo nusia uh ci hi.

“February 5, ni zingsang tung akipan galkidona omin, koici dinmun ah om cih bel kisehkhol theilo hiphot. Tua hi in, kiginkholhna omsa sitset nangawn khuami tampitak kibumang hi. Theekone khuaneu bang bel Vokbuk akipan, teenna Inn tampi heltum mah uh himai “ ci-in Khin U township nitumna lam a om Khin U Dog Killer PDF pawl pan thunei khatin gen hi. Galtai a om pawl khatte bang zong galkikapna tawh akigamlatna munah Khe tawh pai ciatciat in bumang uh ahih manin, naupangte leh Uham lamte’n haksatna, gimna tawlna tampi thuak uh ci-in, Khin U Dog Killer pawlin genbeh hi.

“Phalbi sung ahih si tawh Puanza puanlum kiginkholh kul hi. Puanlom leh van tunna tuamtuam banah naupang neute tawh hisawn lai in, gentheih haksatna tampi kituak hi. Gal kikap simin nuntakna ding kitai ngiat ngiat himai “ ci-in Gone Tha khuaneu pan galtai khuami khatin gen hi. Tulaitak bel Khuathak, Nyaungbin Chan, Segyi, Inphet, Mayan Inn, Gone Tha, Tee Gone Gyi, Kyi Ai, Mon Daw (South), Mutha, Letpan Kwat, cihte akipan khuaneu 15 pan khuamite galtai in gentheih haksatna thuak uh ci hi.

Hits: 2

Byadmin

Leave a Reply

Your email address will not be published. Required fields are marked *