Chin State, Hakha khuapi ah SAC mi Regiment Seargent Major – RSM lui (အရာခံဗိုလ်ဟောင်း ), SAC Thukan pawl (Military Intelligence) tawh akizom Zomi min nei khat a lawmpa tawh Chin National Front (CNF) te in December 18, 2023 ni-in manin thusitna nei uh cih thu CNF thuthak saite’ tungtawn in kizasawn hi.

Hih RSM lui pen Khah Lah Zah (266), Infantry Regiment pan hi-in, abeisa 2021 kumin pumpi damlohna zato vai (Mediacal Finding) tawh Galkap sung pan a tawlnga (Retired) khin ci hi. Abeisa 1980 -2021 sung SAC sungah galkap semin om cih ama galkap thu ciaptehna lai sungah kigelh ci hi.

SAC former RSM (အရာခံဗိုလ်ဟောင်း ), leh a lawmpa khat tawh CNF in a matna uh Video te Online Social Media tungah kikhahkhia bek tham loin, CNF thuneite in a thudotnate zong kiciantak kimukhia ci hi. Hih RSM pa ii min ahih leh Tuan Go Kap ci-in kithei a, CNF thuneite’n khahkhia khin or koi laiah koih cihte kizakna om nawnlo phot ci hi.

Hits: 1

Byadmin

Leave a Reply

Your email address will not be published. Required fields are marked *