August 7, 2023 || Tongsan Media Group ||

Manipur state sungah Meitei leh Kuki- Zomite kikal minam vai buaina khauhpai semsem in, August 5, 2023 (Saturday) zingsang tungin Bishnupur District, Meitei leh Kukite gamgi Kwakta kiang Pholjang khua ah nasiatak kikapna om a, Kuki galkap (volunteers) te 2 si-in, 12 liam cih thu kiza hi. Tua kikapna ah Kuki galkap (Volunteers) nih Mongjang khuami Jangkhomang Haokip (Kum 38), S/o Mangjalet; Khamenlok khuami Lalkholen Guite (Kum 34), S/o Khupthang te in a nuntakna piakhia uh hi. Jangkhomang Haokip pen motar thautang khakna hangin si a, Lalkholen Guite pen Sniper kap siam khatin kaplum ci hi. Meitei ngongtat Thau tawite lam pan zong a tawm pen 3 si-in, Police Commander akipan 7 val liam cih kiza hi.

Kuki lam pan aliam 12 te pen; (1) Kamneihlun (Kum 23), Kangvai khua, (2) Thongminthang (Kum 33), Gothol khua, (3) Janggoulun (Kum 25),Tuibong khua, (4) Gibeon Thanglet (Kum 47), Tuibong khua , (5) Jamkhongam (Kum 49), Bijang khua, (6)Haolenmang (Kum 27),B. Aijalon khua, (7) Momom (Kum 38), T. Champhai khua, (8) Lunminthang (Kum 35),S. Canan veng, (9) Jangminthang (Kum37), K. Salbung khua, (10) Thangzalun (Kum 38), Zomi Colony, (11) Thangkam (Kum 52), Gamphajang khua, (10) S. Phaipijang khua pan Min kitheilo (Kum 49)? cihteng in liamna tuak uh a, Churachandpur District Hospital ah kibawl uh cih kiza hi.

Meitei thau tawi pawlin Meitei gam sung Kwakta kim Ukhatampak khua a om Kuki mite’ tenna inn leh lo kinusiate mei tawh haltum sak uh hi. Pholjang kim tengah nisim kidona hangin Haolai khuapi kiang S. Boljang khua kim tengah kilimkap mahmah hi. Haolai Khopi ah Kuki numei tampi kikaikhawm in, sun laitak in Bangla kim a om Meitei mite’¨nusiatsa uh Inn te mei tawh halsak dingin hanciamna nei uh hi. Ahi zongin Torbung Bangla ah Security nasemte’n mipi khenthang uh a, tua hangin meikang hi. Haolai Khopi ah Numeite leh Security nasemte kikal nasiatak kinawkna om a, ahi zongin a si aliam omlo bilbel cih kiza hi.

Source: The Hills Journal

Translated: Tongsan Admin Team

Hits: 8

Byadmin

Leave a Reply

Your email address will not be published. Required fields are marked *