October 4, 2023 || Tongsan Media Group ||

Ukna buluh (SAC) te’ ngongtatna leh bawlsiatna nuai pan suakta in, akisaina gamte ah gambel a om Kawlgam mite, a diakdiak in numeite leh numei note a kidal / akipanpihna dingin Ambassador U Kyaw Moe Tun (Myanmar’s Permanent Representative to the United Nations) in zanni October 4, 2023 ni-in UN Meeting ah pulak hi. A (78) veina United Nations General Assembly, a thumna Committee meeting, Numeite khantohna / lapsangna ding lam tawh kisai general Assembly meeting ah genkhia hi. Tua banah Kawlgam mipite’ deihnate kithusim in, adiakdiak in Numeite leh numeinote dinmun mawk koih loin, nasiatak panpih dingin Ambassador U Kyaw Moe Tun in khauhtak pulakkhia hi.

Khantohna tawh kisai a zekai gamte tawh kisai UN General Meeting thukhensatna omsa mah bangin, maban ah septoh lai ding leh a tuamtuam kikupnate ah thukigennate zongah Ukna buluh (SAC) te in gam uk thei hetlo ahihna, sumzuak sumbawlna zong gelsiamlo / bawl theilo banah gamsung daihna leh kilemna dingte geel theilo / semkhia thei tuanlo ahihna thute U Kyaw Moe Tun in limtak genbeh hi. Hih vai ading zong Ukna buluh (SAC) thuneihna leh ukna kici limlim phiat / beisak mang ding ahihna, Democracy diktak ngah khiat zawhna ding, Federal Democracy gam thak lamkhiat na dingin Kawlgam mipite khempeuh in akician lungsim leh khensatna kinei khin ahihna thute zong genkhia hi.

Kawlgam kiteelna ah teelcing kumpi semte pen COVID-19 natna a pian laitak hun nangawn in, mipite’ nuntak khuasaknate nasiatak a khantohnate limtak kem leh semzo uh a, ahi zongin 2021 kumin SAC in thakhat thu in NLD kumpi thuneihna / Ukna buluhna nei bek tham loin, SACte’ bawlsiatna hangin, abeisa a kiteelna (Election) pan mipi deih Kumpi te’ nasep akhangto mahmah kim lai suksiat mai sak uh ahihna thute Ambassador U Kyaw Moe Tun in UN Meeting ah pulakkhia hi.

Source: RFA News

Translated: Tongsan Admin Team

Hits: 6

Byadmin

Leave a Reply

Your email address will not be published. Required fields are marked *