July 29, 2023 || Tongsan Media Group ||

State Administration Council (SAC) te’in amau ukna bei ding hun cing kik ta ding ahih manin, SAC thu vaihawmpi pawlte National Defence and Security Committee (NDSC) meeting pen a sawt loin sam ding cih thu kiza hi. Tua meeting ah Pu Henry Van Thio zong akihelthei ding cih thu Nay Pyi Taw zumpi lam pan thuging ci hi. Kum 65 apha khin Pu Henry Van Thio pen abeisa Myanmar Vice President mi nihte lakah No.2-na ah teel cing hi a, Daw Aung San Suu Kyii makaih NLD party ticket tawh Chin state, Thantlang township panin MP ahi hi.

Military Council ten thuneihna a lak ni Feb.1, 2021 ni-in Pu Henry Van Tio pen kiman kha lo a, Vice President No.2 a hihna panmun mah tawh office zong pai tawntung hi. 2022, July 31ni- in Military Council ten a nasep hun (term ) khanto nuam uh ahih manin National Defence and Security Committee sam uh a, ahih hangin tua hunah Pu Van Thio in a cidamna lam hoihlo cih paulap in kihello hi.

2008 Myanmar Constitution tawh kituak in, Military Council in gamsung emergency vaiah kha guk sungin 2-vei tukhawm thei uh hi. National Defence and Security Committee-in a phal leh thuneihna nei thei uh a, July kha pen a thuneihna hun (term) bei hun hi ta ahih manin, National Defence and Security Committee pen aneih loh phamawh ahi hi.

Hih Myanmar National Defence and Security Committee-ah President, Vice President 1 & 2, Parliament Pyithu Hluttaw speaker leh Amyotha Hluttaw speaker, Commander in Chief of Army, Vice Commander in Chief of Army, Defence Minister, Foreign Minister, Home Minister, Boarder Affair Minister te kihel ding uh hi.

Hits: 7

Byadmin

Leave a Reply

Your email address will not be published. Required fields are marked *