Netherland in Ukraine galkapte zat ding F16 galvanleng atawm pen 24 piakkhiat ding a baihsa-in koih uh cih thu Netherlands, Defense Minister Kajsa Ollongre in abeisa February 5 ni-in genkhia hi. Galvanleng 18 puak masa phot ding geelna om hi mah leh 6 piak beh lai ding khensatna nei uh ahih manin, a tawm pen 24 piakkhiat theih ding baihsa in om khin ci-in Kajsa Ollongre in gen hi.

Russia gam kekna ngongtat te a dal zawh nading Ukraine te galvanleng kitangsam pha mahmah uh ahih manin, mal 6 kibehlap sak lai cih thu Netherlands, Defense Minister in genbeh hi. Royal Dutch Air Force pen American bawl F35 vanleng namte tawh kibelhei / kilaihsak ahih manin, tulaitak a zat F16 namte zuak kik dingin Netherlands kumpi in geelna nei uh ci hi. Russia gamkekna ngongtat pawlte akipatcil lamin zuak kik ding geelna om mah ta leh Ukraine te huhna piak dingin khensatna thak a nei uh ahi hi.

Hih bang a Netherlands kumpi khensatna tungtang ah Ukraine, Defense Minister Rustem Umerov in lungdamna thugen in Russia, Defense Minister Sergei Shoigu in F16 vanlengte pen Russia van lam galkapte in kha khat sungin kap khia zo ding ka hih manun, hih bang gal vaihawmna pen a metna om lo bek tham loin gal vai-ah kilamdanna omlo ding ci-in genkhia hi.

Hits: 2

Byadmin

Leave a Reply

Your email address will not be published. Required fields are marked *