Chin State, Paletwa kikapna pan guallel in, a taimang SAC galkap 278 te pen tuni January 17, 2024 nitak (4:00pm) hun in, India gam Mizoram State, Lawngtlai District, Simeinasora / Bandukbanga khuaneu ah tung uh a, Refugee ngenin om uh cih India News Agency in pulakkhia hi.

Hih bangin guallel a taimang SAC galkapte pen Assam Regiment galkapte’n makaih in huh uh ci hi. SAC galkapte bel amau Thau ciat tawh kimtak in, a taimang uh cih kiza hi.

Abeisa 2023 December 29 ni-in India leh Myanmar gamgi Paletwa Township tawh gamgi a om SAC Point (377) Camp pen Arakan Army (AA) pawlin busim in, a lakkhiatna pan SAC galkap 151 Mizoram sungah taimang uh a, February 2, 2024 ni-in Manipur State ah Moreh – Tamu lam zui-in India kumpi in puakkik uh hi.

Tua banah Janaury 9, 2024 ni-in zong Paletwa Camp pan SAC galkap 104 taimang uh a, India kumpi mahin Myanmar galkap SAC tungah puakkik leuleu uh cih kiza hi. Tutung a taimang SAC galkap 278 te pen koi lai Camp pan taikhia uh hi ding cihte akipan liamna ngah bangzah, amaute panmun (Rant) cihte kitheician nailo cih kiza hi.

Hits: 1

Byadmin

One thought on “SAC Galkap 278 te Paletwa Kidona pan Guallel in, India gam Mizoram State ah Galtai uh”

Leave a Reply

Your email address will not be published. Required fields are marked *