Shan State (Northern) lam a om Nansan Township, Nansan Police Station pen abeisa Decemebr 13, 2023 ni-in Ta’ang galkap (TNLA) pawlin a busimna pan atai kek Lt. Col. Tun Soe Thein makaih Palik 20 leh Commando Hill kicihna galphual pan Major Kyaw Thu Htwe makaih SAC galkap 20, akigawm vekpi 40 si cih kiza hi.

Abeisa December 11 ni zingsang (04: 00am) kim pawlin TNLA in Nansan palik phualpi a busimna ah Lt. Col. Tun Soe Thein makaih galkap 21 in SAC galkap pawl (ခလရ- 254) pan Captain Kyaw Thu Htwe makaih galkapte tawh Commando Hill galphual ah kipawlkhawm in Ta’ang galkap (TNLA) pawl tawh kikap uh a, tua laiah SAC pawlte a vekpi un simang uh ci-in, TNLA pan Dec. 12, ni-in pulakkhia uh hi.

Tua banah Nankham khuapi-a om SAC te’ galphualpi khat pen a kepbit zawhna ding hanciam in, vanleng tawh galhuh ding SAC galkap 72 a puakte’ sung pan 25 te TNLA tawh kidona pan si sawnsawn lai uh hi. A silo sunsunte sung pan 5 hingmat uh a, a dangte taimang uh cih thu TNLA pan thunei khatin pulakkhia hi.

TNLA pan a tangkona ah tuni December 15 ni-in Namsan khuapi sung pen SAC pawlin Vanleng ATR – 42 tawh 5 vei, Jet Fighter tawh 15 vei, Mi-35 tawh 10 vei, Mandong (ခလရ-၁၃၀) Camp pan Thaupi tawh 31 vei kap ziahziah uh ci hi. Vanlam tawh akapna hangin Khuamite a si aliam akipan Inn leh lo tampi kisia in, meikang ziahziah cih thu TNLA in tangko uh hi.

TNLA in Namsan khuapi lakna pen abeisa December 10, ni akipan tuni December 15, 2023 ni ciang petpet ciangin Namsan khuapi Strategic camp leh Military base Camp khempeuh lakhiazo taktak uh cih thu TNLA makai khatin kipsakna pulak khia ta hi. “1027 Operation” kipat ni akipan Ta’ang State sungah TNLA pawlin SAC Camp vekpi gawm 60 val lakhiazo ta cih thu kiza hi.

Hits: 2

Byadmin

Leave a Reply

Your email address will not be published. Required fields are marked *