August 18, 2023 || Tongsan Media Group ||

Chin State, Thantlang khuapi ah Chin Joint Defense Force te in Tilim Operation 2, kikapna ni 37 sung tawntung akidona ah Ukna buluh (SAC) galkapte 15 si-in, tampi lian uh a, Chin galkap kipawl khawm (Chin Alliance Defense Force) lamte 4 si cih thu CDF-Thantlang in pulakkhia hi. Thantlang khuapi a om Ukna buluh (SAC)galkapte’ phualsatna munte pen Chin Joint Defense Force ahi (CNA, Chnland Defense Force-Thantlang leh Chinland Defense Force – Zophei) tengin abeisa July 11, ni akipan Tilim Operation 2, min pua in, kikapna a patkhiat uh ahi hi.

Tua Tilim Operation 2 kikapna kipatkhiat cil lai July 12 ni-in Thanltang khuapi a om SAC (Khah Lah Zah) – 269 battalion pan SAC galkap khat in galvan kim tawh Chin Joint Defense Force te’ kiangah kigawm / lut cih kiza hi. Chin Joint Defense Force ten Tilim Operation 2 kikapna pen August 14 ni zingsang (05:00am) hun akipan Thantlang khuapi pansan a om galkap 160 kim apha Ukna buluh (SAC) galkap battalion Khah Lah Zah- 269 akihel, Thantlang khuapi leh Hakha khapi kikal a om Auto mual dung, TBC, TABC munte ah kidona piang hi.

Ni 37 a sawt tua Tilim Operation 2, kikapna sungah Ukna buluh (SAC) galkap 15 si uh a, 30 val liamin, galkap 2 kihingmat zo ci-in CDF -Thantlang in gen hi. Tua banahUkna buluh (SAC) galkap phualpi khen ahi Haukabung Camp pen Chin Alliance Defense Force te’n buluak / ngah khia zo banah Thau lawng 3, RPG namte lawng 2, Thautang leh bomb tampi ngah khia uh hi.

Chin Alliance Defense Force pan CDF- Thantlang galkap 1 leh CDF-Zophei galkap 3 te kidopna ah si uh cih kiza hi. Tua Tilim Operation 2 kikap hun sungin ukna buluh (SAC)ten galvanleng tawh bomb khiatna hangin Thantlang Township Khuafo khua ah Biaknn akihel mipite’ inn 7 kapzan sak uh hi. Ukna buluh (SAC)te in van lam pan tampi vei a kap banah Ukna buluh (SAC) galkapte puak beh zel uh ahih manin, kikapna nasia semsem hi. Mipite’ lam pan vaksuk vaktohnate zong kidop huai mahmah ahihna CDF – Thantalng in theihsakna nei uh hi.

Source: Khonumthung

Translated: Tongsan Admin Team

Hits: 5

Byadmin

Leave a Reply

Your email address will not be published. Required fields are marked *