August 28, 2023 | Tongsan Media Group |

Mon State, Kyath Thu town, Engapo village, Daung Taung gone kiangah zanni August 27, 2023 sun 12:00noon hun pawlin Ukna buluh (SAC) galkapte 100 kim tuanna Mawtaw honpi pen Karen National Liberation Army (KNLA) leh Taw Kyi Kan (PDF) galkap kipawlkhawm ten va kap uh cih thu PDF galkapte’ tung pan kiza hi. Hih kikapna tungtang ah Ukna buluh (SAC) galkapte a tawm pen 10 si-in, 7 nasiatak liam cih thu Taw Kyi Kan (PDF) thuneite’n pulak uh hi.

” SAC Mawtaw honpi hong pai cih thupuak kingah ahih manin, va pangin kikapthei suak hi. SAC te’ mawtaw 1 kisia in kisukha mahmah hi. Langnih tuakin nasiatak kikap a, SAC galkapte lamte in Engapo khua lam phial kap gawp uh a, akisiacip Mawtaw zong kaikhia pah uh hi. Kikapna nung thu tawh kisai in Ukna buluh (SAC) galkapte 10 si-in, liamna ngah 7 om hi ” cih thu Taw Kyi Kan (PDF) thuneiten gen hi.

SAC galkapte lam pan a si aliamte Tawwin Epress tawh a nung ciangin puakhia uh a, Mawtaw lampi tung a om Daisi pua mawtaw (fuel tanker) khat pen kap uh cih thu gen hi. SAC galkapte in abeisa August 11, ni-in zong Mon State, Belin township, Mayangone khuaneu ah galdo ding a kuanna ah Phualsat (Camp) bawl uh a, Karen National Liberation Army (KNLA) te leh Taw Kyi Kan (PDF)kipawlkhawmte tawh kikap in, a si aliam tampi om uh ahih manin, gallel in, nungkin uh cih kiza hi.

Source: People’s Spring

Translated: Tongsan Admin Team

Hits: 4

Byadmin

Leave a Reply

Your email address will not be published. Required fields are marked *