Leitung ah biakna nam tampi a omna sungah Christian biakna pen a tumdang mahmah khat ahi hi. A makaipipa mahmah zong sihna zo in, a thokik Jesu Khrist (Jesus Christ) ahi hi. Christian te pen tuni ciang dong a khangto pen leh mimal tam penin kiciamteh hi. Chritian pawlpi a kiphut akipan Dawimangpa (Satan) in haza ahih manin, a khangkhang in beimang sak ding hanciam den himah leh tuni ciang dong susia zolo bek tham loin, mai lam hun dongah zozo ngeilo ding hi.

Hih bangin Christian pawlpi pen Dawimangpa in lampi tuamtuam tawh a bawlsiatna sungah tusung mahmah in USA, Georgia State, Atlanta khuapi a om Zomite’ pawlpi khat ahi ” Zomi Laizom Christian Chruch (ZLCC)” pen Upa makaite leh Pastor kikal ah Dawimangpa nasepna hangin kitelkhialhna thu lianpi piang cih thu Online Social Media tungah kithehthang zihziah hi. Hih thu tawh kisai Tongsan Media in thukician kankhiatna tuamtuam kinei a, Atlanta khuapi a om Zomi khatin Tongsan Media tungah genkhia hi.

  1. ZLCC Pastor pa khalhna piak theihna dingin Upa 9 te’ sung pan 7 in thukimna suaikai (Signature) uh ci hi.
  2. Pastor ahih leh tua Khalhna tawh kisai zuih sawmlo leh awlmawhlo ahih manin, nasiatak kinanna/ kilangdona knasia mahmah ci hi.
  3. ZLCC pen ZBCA sungah member khat ahih manin, ZBCA-OB makaipite’n lepsawm uh hi mah leh ZLCC pawlpite’n a Pastor limlim deih nawnlo ahihna hangin, leptuah ding utlo / kizolo uh cih kiza hi.
  4. ZLCC pawlpi pen mimal (member) 300 val bang pha in, ZBCA sung zongah member tam pen lamleh sumpi thahat lamah kihel cih kiza hi.
  5. Pastor pa a Khalhna thubulte sungah ZLCC Compound, Pastor Quarter pan Pastor leh innkuante a paikhiat mengmeng nading kihel ahih manin, hun ciangtan ni ah Pastor a paikhiat kei leh Police ten hawlkhia thei ding ci hi.
  6. Pastor pa Khalhna thute tawh kizui-in, a gamtatnop kei leh US Kumpi thukhun om bangin, thukhen zumpi dongah thukibawl thei ding cih kiza hi.
  7. Pastor lam a panpih honkhat mah om veve ahih manin, pawlpi tungsiah zum lamte’n a kileptuah zawh kei leh pawlpi phelnih kisuak thei ding dinmun ah om cih kiza hi.
  8. Pastor pa in pawlpi sumte ama thu tawh zatna nei ahih manin, kitelkhialhna sungah tua vaite zong kihel cih kiza hi.
  9. Pastor kha sum zong Khalhna hun sung khempeuh kipia nawnlo ding ci hi.
  10. Pastor khasum USD 3000 kim kipia banah Pastor Quarter zongah a mawkna (Free) in omsak, Tui leh mei mante zong (free) cih kiza hi.

Hih ZLCC pawlpi kibuaina leh kitelkhialhna tawh kisai- ah Jesu Khrist pawlpi a susia nuam leh a beimang sak nuam den i galpa Dawimangpa nuam lua ding ahih manin, thuhoih leh thu namtui tawh kilemkikna (Reconceliation) leh kitelsiamna (Understanding) lamdang tak hong om theihna ding Zomi khempeuh in thungetna tawh mapanpih ding hihang. A sawt loin i galpa tungah gualzawhna Dial (Flag) ii khaizawhna ding Jesu Khrist lungsim ahi ” Kiniamkhiatna” mahmah makaite leh Pastor tungah Jesu Khrist mahmah in hong guansuk sak ta hen.

Hits: 11

Byadmin

Leave a Reply

Your email address will not be published. Required fields are marked *