August 4, 2023 || Tongsan Media Group ||
India gam Manipur State ah a tamzaw numeite akihel Meitei (Katee) mipite leh mipi kem (Security force)te kikal ah August 3, 2023 ni-in kimaituahna / kinawk tuahna piang a, a tawm pen mi 17 liam hi. Meitei (Katee) mipite in minam vai buaina hangin a sisa Kuki minamte ading sihvui hun bawlna ding munah Thursday ni in kalsuan khiat dingin hanciam khin uh ci hi.
Tua a kalsuankhia Meitei mipite pen Bisnupur District sung mun khatah Security force te’n khaktanna / phallohna mitsip sak bomb tawh kapin, mihonpi khen zakna pan langnih kimaituahna / kitotna piang ci hi. Hih thu piang hangin, Kuki minamte kipawl khawmin sihvui hun bawlna pen ni 7 khintoh ding State thukhen zumpi (State court) khat pan pulakna kinei ci hi.
Tua banah State huam sungah Curfew order hun kitawmsak / bei sakna thute pen mun pawl khatah kibeisak ci hi. Manipur state ah abeisa May 3, 2023 ni akipan mitam pawl ahi Meitei (Katee)te leh minam tawm ahi Kuki mite tawh kikal minam kitelkhialhna nasiatak piang a, tuni hun ciangciang misi vekpi 180 valin sih lawh khin uh ci hi.
Source: One News Myanmar
Translated: Tongsan Media Group
Hits: 0