August 4, 2023 || Tongsan Media Group ||
Sagaing Division, Kalaymyo, Taungphila veng a om BEHS No. 2 sanginn mai ah August 3, 2023 ni zingsang (09:00am) hun pawlin khuasung vaksuk vakto mipite leh mawtaw, Motorcycle te Ukna buluh (SAC) galkapte’n khawlsak in, thusitna aneih banah sum a ut zahzah a ngetna hangin, mun khat pan a en cik khinkhian mipi galkap (PDF)te’n a gal pan kap uh a, SAC galkap 1 a munah sipah in, 3 te nasiatak liam uh a, Zato akipuak khit a sawt loin si veve cih thu tualsung mite’ tung pan kiza hi.
“SAC galkapten Motor leh Cycle te a nung lam pan a sit dikdek khit teh sum ngen uh hi. Tua lai pan khua lam a ciah ding Mawtaw khat pen SAC galkapte’n sitin a vanteng a suahkhiat sakna a mu PDF te’n kappah uh hi. Tua kikapna thau ging a za Mawtawte’n zong haktak hawl uh ahih manin, Mawtaw tung pan vante kia ziahziah hi. Tua kikapna hangin SAC galkapte khat thau in a gilpi kha in sipah hi” ci-in mit tawh a mu Kalaymyo khuami khatin gen hi.
Tua kikapna a ven khit ciangin, SAC galkapte’n a Thau phial kap uh ahih manin, mipite thautang in kha in a liam om uh ci-in khuamiten gen beh hi. SAC galkapte’n Kalaymyo ah khua sung vak mipite leh Mawtaw, Motorcycle te sit den bek loin, sum ngen den uh ahih manin mipite inn pan a pusuah ding nangawn launa leh lunggimna tawh kidim den uh cih kiza hi.
Source: People’s Spring
Translated: Tongsan Admin Team
Hits: 8