August 16, 2023 || Tongsan Media Group ||
ကရင်နီပြည်နယ် တွင် ယခုရက်ပိုင်းအတွင်း ဖြစ်ပွား သော တိုက်ပွဲများတွင် က လော အခြေစိုက် တပ်မ ၅၅ လက် အောက်ခံ ခလရ ၃ တပ်နှင့် ခလရ ၁၁၂ တပ်မှ တပ်ရင်းမှူး ဒုတပ်ရင်းမှူး အရာရှိနှင့် စစ်သည် ၃၀ ဦး သေဆုံးသွား ကြောင်း စစ်ကောင်စီ၏ အရှေ့ပိုင်း တိုင်းစစ်ဌာနချုပ် သတင်းရင်းမြစ် က အတည် ပြု ပြောဆိုသည်။
ဩဂုတ်လ ဒုတိယအပတ် အတွင်း ဖြစ်ပွားခဲ့သော ကရင်နီပြည်နယ် အတွင်း တိုက်ပွဲများတွင် တပ်မ ၅၅ လက် အောက်ခံ ခလရ ၃ မှ တပ်ရင်းမှူး ဒုဗိုလ်မှူး ကြီး ဒုတပ်ရင်းမှူး ဗိုလ်မှူး အပါအဝင် ၁၆ ဦးသေဆုံးခဲ့ကြောင်း၊ ယမန်နေ့ တိုက်ပွဲတွင် ခလရ ၁၁၂ မှ အရာရှိ နှင့်စစ်သည် ၁၄ ဦးသေဆုံး သွားခဲ့ ကြောင်း သိရှိရသည်။
” ကလော ခလရ ၃ မှာ တပ်ရင်းမှူး နဲ့ ဒုတိယတပ်ရင်းမှူး အပါအဝင် ၁၆ ဦးသေဆုံးပါတယ်။ ဒါ့အပြင် ကလောမြို့အခြေစိုက် ခလရ ၁၁၂ မှ အရာရှိ နဲ့ စစ်သည် ၁၄ ဦး မနေ့က ထပ်ပြီး သေဆုံးပါတယ်။ တပ် နှစ်ခုလုံးက တပ်မ ၅၅ လက်အောက်ခံတွေပါ။ စုစုပေါင်း စစ်သား ၃၀ ဦးသေဆုံးပါတယ်။ အခုထက် ထိတော့ ကရင်နီဘက်ခြမ်းမှာ ကလောတပ်တွေ ရှိနေတုန်းပဲ” ဟု စစ်ဘက် သတင်းရင်းမြစ်က ပြောဆိုသည်။
ရှမ်းပြည်နယ်မှ စစ်ကောင်စီတပ်များမှာ ကရင်နီပြည်နယ်အတွင်းသို့ အလုံး အရင်းဖြင့် ထိုးစစ်ဆင်နေရပြီး စစ်တပ်ကလည်း ၎င်းတို့ ဆုံးရှုံးသွားခဲ့သော တပ်စခန်းများနှင့် စခန်းကုန်းများကို ပြန်လည်ရရှိစေရန် ကုန်းကြောင်း၊ လေကြောင်းဖြင့် အကြီး အကျယ် ထိုးစစ်ဆင် တိုက်ခိုက်နေကြောင်း သိရှိရ သည်။
Hits: 0