July 25, 2023 || Tongsan Media Group ||
Chin State, Tedim gam sung Thuklai khua-ah Leenggah kilimcin mahmah a, inn kim phial in lenggah ciinna huan /lo kinei ciat ci hi. Kum khatin lenggah tawi tulnga (5000) val bang kingah thei ci-in Thuklai khuami lenggah ciing khatin genkhia hi. Limkhai khua pan a piang lenggahte atui (wine) in kibawl uh a, Kalaymyo, Falam le Khalkha (Hakha) lamah kilimpuak / zuak phadiak hi, ci-in lenggah ciingte in gen hi.
Tukum lenggah pen kumdang bangin gah hoih phalo banah akizuakna ah zong man kiam lua hi, ci-in lenggah cingte in genbeh hi. A hang bulpi bel gamsung ah galkido kikapnate hangin kizopna lampite kikhak den ahih manin, lenggah pumte hun lapin kizuak / kipuak thei nawnlo in, lampi a lem bangin kipuak ahihna hangin lam sap tampi bei tuam hi, ci hi.
Tua bek loin tulaitak lenggah tawi khat tulkhat bek man ahih manin, a meet ding om nawn peuh mahlo hi ci-in gen hi. Nidang a lenggah tun hunin a lut sum tawh lenggah kung puahna zunna bek thamlo kum khat sung innkuan nuntak / kivaakna ding ciang dong kingahzo hi. Tu’n ahih leh vanman khang semsem ahih manin, kum dang bangin lenggah pan sum ngahna tawh bang mahmah kicing nawn lo, ci-in lenggah tawh innkuan kivaakna anei Limkhai khuami khat in gen hi.
Source: RFA Burmese
Translated: Tongsan Admin Team
Hits: 7