July 25, 2023 || Tongsan Media Group ||
Bago Division, Nyaunglaybin District, Kyauktaga township Nanza khua-ah abeisa July 19 ni kikapna sungah SAC galkap 41 si-in 40 val liam, ci-in National Unity Government (NUG) in July 24 ni-in pulak khia hi. Nanza khua pen Yangon-Mandalay lampi lui (Old road) gei a om Yangon tawh tai 100 val deuh kigamlatna ah om ahi hi.
Abeisa July 19 ni zankim (11:00pm) kimin Kyauktaga township Nanza khua gei-ah SAC galkapte, palikte le Pyusaw htee kigawm mimal 400 kim galkap lampi thuangnih tawh kuanin PDF te tawh nasiatak kikapna om ci hi. Hih bangin gal lampi nih ah kikhen in akuankhia Ukna buluh (SAC) galkapte pen mipi kemcing galkap pawl le Karen National Liberation Army (KNL) te kipawlin nai 1 val sung nasiatak kikap uh a, ukna buluh (SAC) lam pan Captain khat leh nautang vekpi 33 si uh a, Commander pa tawh 48 kimte lim liam mahmah ci-in NUG in genkhia uh hi.
A liam abai 48 lakah 20 te Taunggo zatopi-ah kipuak in, zatui zaha tawh kikhoi-in, adang 8 te zato pan si veve uh ahih manin, hih kikapna tungtang ah SAC lamte asi vekpi 41 pha ci-in NUG in tangko khia hi. Kikapna sungah KNLA le PDF pawlte 1 si-in, 1 liam ci-in pulak khia hi. Nanza khua kimah SACte’n mipi lauthawng sakna tawh a gal vanlengte lang kawikawi sak ahih manin, khua mite lau in kihemkhia phot uh ci-in tual sung mi khat in gen hi.
Source: Me-Kong News
Translated: Tongsan Media Admin Team
Hits: 3