July 9, 2023 || Tongsan Media Group ||
Zokam Version:
Karen State ah tukum kha 6 sung ciangciang kikapna Ukna buluh (SAC) galkapte lam pan Battalion Commander 5, Lieutenant Commander 5, Captains 9, Lieutenants 4, non- Commissioned Officer 5 leh adang nautang kihel a si vekpi gawm 2632 sikhin ta cih thu KNU phualpi pan tuni July 9, 2023 ni-in thu kician pulakna nei uh hi.
Abeisa January 1, 2023 ni akipan June 30, 2023 ni ciangciang kha 6 sungah KNU: Karen National Liberation Army (K.N.L.A) leh Karen National Defense Force (K.N.D.O) te’ ukna nuai a omte leh Ukna buluh (SAC)te kikal ah kikapna aneu/ alian kigawm vekpi 2495 vei kikapna / kidona om khin cih thu thunei lamten pulakkhia hi.
Tua banah hih khaguk sung kidona sungah Ukna buluh (SAC)te’ lam pan a si vekpi 2632 pha uh a, KNU galkapte lam zong Lieutenant Commander 1 cih simloh a liam vekpi gawm 1682 pha ta cih thu kician kiza hi. Ukna buluh (SAC) te lam pan gal kikapna-ah akizang galkap Mawtaw 99 kisuksiat sak zo ci hi. Kido / kikapnate sungah KNLA, KNDO te lam pan galkap 76 te’n gam le nam ading a nuntakna piakhia uh a, 257 liam uh cih kiza hi.
KNU-Karen National Union, Kothuleih Administrative area sungah nisim tatsat loin kikapna om den ci hi. Ukna buluh (SAC) galkapte’ lam pan bel ngongtatna tuamtuam hangin, mipi galtai vekpi 599,400 phata a, tua galtaite in haksatna tampi tuak uh cih thu KNU zumpi ten gen uh hi.
Source: Maung
Hits: 0