မယ်စဲ့မြို့နယ်ရှိ စစ်ကောင်စီစခန်းအားလုံး ကရင်နီတပ်ပေါင်းစု သိမ်းယူ

June 24, 2023 || Tongsan Media Group ||

ကယား (ကရင်နီ) ပြည်နယ်ရှိ မြန်မာ-ထိုင်းနယ်စပ် မယ်စဲ့မြို့နယ်တွင် စစ်ကောင်စီ၏ တပ်စခန်းအားလုံးကို ကရင်နီတပ်ပေါင်းစုက တိုက်ခိုက်သိမ်းယူနိုင်ခဲ့ကြောင်း သိရသည်။ မြို့နယ်အတွင်းရှိ စစ်ကောင်စီ အခြေစိုက်စခန်း ၆ ခုကို ဇွန် ၁၃ မှ ၂၄ အတွင်း သိမ်းယူနိုင်ခဲ့ကြောင်း စစ်ရေးသတင်းရင်းမြစ်များက ဆိုသည်။

“အခုက ကုန်ပြီပြောရမှာပေါ့၊ သူ့စခန်းက ၅ ခုနဲ့ ရဲစခန်းတစ်ခုက ကုန်ပြီလေ။ မြို့ကို သိမ်းနိုင်ပြီလို့ ပြောရမှာပေါ့” ဟု ကရင်နီစစ်ဘက်ဆိုင်ရာဗဟိုသတင်းထုတ်ပြန်ရေးအဖွဲ့ (KMIC) ပြောရေးဆိုခွင့်ရှိသူ ခူးညေးရယ်က ဆိုသည်။ ယနေ့ (ဇွန် ၂၄) နံနက်တွင် မယ်စဲ့မြို့နယ် BP 13 (မြန်မာ-ထိုင်း နယ်ခြားမှတ်တိုင် အမှတ် ၁၃) ရှိ စစ်ကောင်စီတပ်စခန်းကို ကရင်နီတပ်ပေါင်းစုက သေနတ်တစ်ချက်မျှ မဖောက်ဘဲ သိမ်းယူနိုင်ခဲ့သည်ဟု ၎င်းထံမှ သိရသည်။

အဆိုပါ စခန်းကုန်းတွင် ရှိသည့် စစ်ကောင်စီတပ်သားများအနက် ၁၈ ဦး လက်နက်ချပြီး ကျန် ၃ ဦးမှာ ပျောက်ဆုံးနေသဖြင့် အလွယ်တကူ သိမ်းယူနိုင်ခဲ့ခြင်း ဖြစ်ကြောင်း ခူးညေးရယ်က ဆိုသည်။ “သေနတ်မဖောက်ရဘဲ ကျည်ဆန်မကုန်ဘဲ သူတို့ (CDM) ဝင်လာတဲ့ပုံစံမျိုးပေါ့” ဟု ၎င်းက ပြောသည်။ ယမန်နေ့ (ဇွန် ၂၃) ကလည်း မယ်စဲ့မြို့ အရှေ့ဘက်ရှိ ဘောလခဲမြို့အခြေစိုက် ခမရ ၄၃၀ က နေရာယူထားသည့် စစ်ကောင်စီ၏ ဗျူဟာကုန်းကို သိမ်းယူနိုင်ခဲ့ကြောင်း သိရသည်။

ဇွန်လ ၁၃ ရက်နေ့က မယ်စဲ့မြို့နယ်ရှိ စစ်ကောင်စီစခန်းများဖြစ်သည့် တောင်လှစခန်း၊ မယ်တနွယ်စခန်းနှင့် BP 13 တို့ကို ကရင်နီတပ်ပေါင်းစုက တစ်ပြိုင်နက်တည်း သိမ်းယူခဲ့ခြင်းဖြစ်သည်။ ကျသွားသောစခန်းများကို စစ်ကောင်စီတပ်က ပြန်လည် သိမ်းပိုက်ခြင်း မရှိသေးကြောင်း သိရသည်။ သို့သော် မယ်စဲ့မြို့နယ် ပန်တိန်းမြို့တွင် တော်လှန်ရေးအင်အားစုနှင့် ပူးပေါင်းခဲ့သော အမှတ် ၁၀၀၄ နယ်ခြားစောင့်တပ်၏ စခန်းကို စစ်ကောင်စီက ဗုံးကြဲပြီး နေရာပြန်ယူခဲ့သည်။ ထိုနေရာတွင် စစ်ကောင်စီတပ်များ ရှိမရှိ အတည်မပြုနိုင်သေးပေ။ ကရင်နီတပ်ပေါင်းစုက စီးနင်းနိုင်ခဲ့သော စခန်းအားလုံးမှာ အာဏာသိမ်းစစ်တပ် နှစ်ရှည်လများ တပ်စွဲခဲ့သော နေရာများဖြစ်သည်။ နိုင်ငံအနှံ့ စစ်ရေးအခြေအနေနှင့် ပတ်သက်ပြီး စစ်ကောင်စီက သတင်းအမှောင်ချထားသည်။

စစ်ကောင်စီတပ် စစ်ကူပေးပို့မှု

သံလွင်မြစ် အရှေ့ဘက်ကမ်းတွင် ရှိသော မယ်စဲ့မြို့၏ အရှေ့နှင့် တောင်ဘက်တွင် ထိုင်းနိုင်ငံ၊ မြောက်ဘက်တွင် ဘောလခဲမြို့နယ်၊ အနောက်ဘက်တွင် ဖားဆောင်းမြို့နယ်နှင့် ကရင်အမျိုးသားအစည်းအရုံး (KNU/KNLA) တပ်မဟာ (၅) ၏ ထိန်းချုပ်နယ်မြေတို့ ရှိသည်။ မယ်စဲ့တွင် အထိနာနေသော စစ်ကောင်စီတပ်ကို ဖားဆောင်းမြို့နယ်ဘက်မှ စစ်ကူလာသော်လည်း သံလွင်တံတား(ဖားဆောင်း) တွင် ကရင်နီတပ်များက ဝိုင်းဝန်းပိတ်ဆို့ထားသဖြင့် ဖားဆောင်းတွင်လည်း တိုက်ပွဲများပြင်းထန်နေကြောင်း သိရသည်။

ဇွန်လ ၂၀ တွင် ဖားဆောင်းမြို့နယ် ကျောက်ပိန်းညိုကျေးရွာတွင် စစ်ကြောင်းထိုးကာ ဝင်ရောက်တပ်စွဲနေသည့် စစ်ကောင်စီတပ်ကို တိုက်ခိုက်ခဲ့ရာ စစ်ကောင်စီဘက်က ပြန်ဆုတ်သွားကြောင်း၊ ဇွန် ၂၁ တွင်လည်း သံလွင်တံတား(ဖားဆောင်း) အနီး စစ်ကြောင်းထပ်ထိုးလာသဖြင့် တိုက်ပွဲဖြစ်ခဲ့ကြောင်း ဖားဆောင်းပြည်သူ့ကာကွယ်ရေးတပ်က ယနေ့ သတင်းထုတ်ပြန်သည်။ ၁၂ ရက်ကြာ တိုက်ပွဲများအတွင်း နှစ်ဖက် ထိခိုက်သေဆုံးမှု အခြေအနေများကို မသိရသေးပေ။

မယ်စဲ့မြို့သိမ်းတိုက်ပွဲများတွင် သက်တမ်း ၁၃ နှစ် ရှိပြီဖြစ်သော၊ စစ်ကောင်စီလက်အောက်ခံ ဖြစ်ကြသော နယ်ခြားစောင့် တပ်ရင်း ၂ ခုက ဘက်ပြောင်းပြီး တော်လှန်ရေးအဖွဲ့များနှင့် ပူးပေါင်းလိုက်သည်။ ထိုတပ်ရင်းနှစ်ခု ပူးပေါင်းလာမှုကြောင့် မယ်စဲ့မြို့နယ်ကို ကာလတိုအတွင်း သိမ်းယူနိုင်သည်အထိ စစ်ရေးအပြောင်းအလဲ ကြီးမားခဲ့ကြောင်း ကရင်နီစစ်ရေးသုံးသပ်သူများက ပြောသည်။ ထိုတပ်ရင်းနှစ်ခုသည် ယခင်က ကရင်နီပြည်လူမျိုးပေါင်းစုံပြည်သူ့လွတ်မြောက်ရေးတပ်ဦး (KNPLF) ၏ အင်အားစု ဖြစ်သည်။ စစ်တပ်က ဖိအားပေးသဖြင့် နယ်ခြားစောင့်တပ်အဖြစ် အသွင်ပြောင်းခဲ့ခြင်း ဖြစ်သည်။

ကလလတ ဟုခေါ်သည့် KNPLF သည် မယ်စဲ့မြို့နယ်တွင် ထိန်းချုပ်ဒေသအများစုရှိသည့် တိုင်းရင်းသားလက်နက်ကိုင်တော်လှန်ရေးအဖွဲ့ဖြစ်နေသည်။ ထိုအဖွဲ့သည် ၁၉၇၈ ခုနှစ်တွင် နိုင်ငံရေးသဘောထားကွဲလွဲမှုကြောင့် ကရင်နီအမျိုးသားတိုးတက်ရေးပါတီ (KNPP) မှ ခွဲထွက်ခဲ့ပြီး ၁၉၉၄ ခုနှစ်တွင် စစ်တပ်နှင့် အပစ်ရပ်ခဲ့ဖူးသည်။ မြို့သိမ်းတိုက်ပွဲတွင် ကရင်နီတပ်ပေါင်းစုဖြစ်သည့် ကရင်နီတပ်မတော် (KA)၊ ကရင်နီအမျိုးသားများကာကွယ်ရေးတပ် (KNDF)၊ KNPLF, KNU/KNLA တို့ ပါဝင်သည့် 4K အဖွဲ့နှင့် PDF များ ပူးပေါင်းတိုက်ခိုက်ခဲ့ကြောင်း ကရင်နီစစ်ရေးသတင်းရင်းမြစ်များက ပြောဆိုနေကြသည်။

အာဏာသိမ်းခေါင်းဆောင်များ ရုံးစိုက်ရာ နေပြည်တော်နှင့် နီးကပ်စွာ တည်ရှိသည့် ကရင်နီဒေသသည် စစ်ကောင်စီကို လက်နက်ကိုင် ခုခံမှု အားကောင်းသော ဒေသဖြစ်ပြီး စစ်ကောင်စီကလည်း စစ်လေယာဉ်များ စေလွှတ်ကာ နေ့စဉ်လိုလို ဗုံးကြဲတိုက်ခိုက်နေရာ အရပ်သားအများအပြား နေရပ်စွန့်ခွာ ထွက်ပြေးနေရသည်။၂၀၂၁ စစ်အာဏာသိမ်းပြီး ငြိမ်းချမ်းစွာ ဆန္ဒပြသူတို့ကို လမ်းပေါ်တွင် ပစ်သတ်ရာမှ နိုင်ငံအနှံ့ လက်နက်ကိုင် တော်လှန်မှု ပေါ်ပေါက်လာသည်။

————————————————————————————————————-

English Version:

All military council camps in Mayse Township were seized by the Karen Red Army

It is reported that Karenni forces have attacked and captured all military council camps in Maesse township on the Myanmar-Thai border in Kayah (Karen) province. According to military sources, six military council bases in the township were captured between June 13 and 24.

“Now I have to say it’s over, Five of his camps and one police station have been completed. We have to say that we have captured the city,” said Karenni Military Central Information Organization (KMIC) spokesperson Khu Nyeil. Today (June 24) in the morning, the military council camp in Mae Se Township BP 13 (Myanmar-Thailand border post No. 13) was captured by Karenni forces without firing a single shot, he said.

Among the soldiers of the military council at the camp, 18 surrendered and the remaining 3 were missing, so they were easily captured, Khu Nye Yeel said. “It’s the way they (CDM) come in without having to shoot and run out of bullets,” he said. Yesterday (June 23) it was reported that they were able to capture the strategic hill of the Military Council, which was occupied by the 430 Khmer, based in the town of Balachai, east of Mae Se.

On June 13, the military council camps in Mae Se Township, Taung Hla Camp, Mae Ta Twi Station and BP 13 were simultaneously seized by the Karen Red Army. It is reported that the military council army has not recaptured the fallen camps. However, the Military Council bombed the camp of the 1004th Border Guard Corps, which joined forces with the revolutionary forces in Panthein, Mae Se Township, and took it back. It is not yet confirmed whether there are military council troops there.

All the camps that the Karenni forces were able to raid were places where the coup army had been stationed for many years. The military council has kept the news dark about the military situation across the country.

Military council sent reinforcements

Thailand, to the east and south of Mae Se, on the east bank of the Salween River. In the north, Bolakhei Township. To the west is Pha Song Township and the area controlled by the 5th Brigade of the Karen National Union (KNU/KNLA). Pha Song Township came to help the military council troops who were suffering in Mae Se, but the Karen Red Army blocked Than Lwin Bridge (Fa Song) and the fighting was fierce in Pha Song as well.

On June 20, a column attacked the military council troops stationed in Kyauk Peing Nyo Village of Pha Song Township, but the military council side retreated. Also on June 21, a battle broke out near Than Lwin Bridge (Phan Song) when another column entered, the Phan Song People’s Defense Force announced today. The circumstances of the casualties on both sides during the 12-day fighting are still unknown.

13 years old in the battle to seize the city of Mae Se. 2 border guard battalions under the military council defected and joined the revolutionary groups. Karenni military analysts said that due to the joining of these two battalions, there was a big military change until Mae Se Township was captured in a short period of time. The two battalions were formerly part of the Karenni People’s Liberation Front (KNPLF). Due to pressure from the military, it was transformed into a border guard.

The KNPLF, also known as Kala Lata, is an ethnic armed resistance group that controls most of the areas in Mae Se Township. The group split from the Karenni National Progressive Party (KNPP) in 1978 due to political differences, and had a ceasefire with the military in 1994. The Karenni Army (KA), which is a coalition of the Karenni Army, in the battle to take over the city. Karenni National Defense Force (KNDF); Karenni military sources say that the 4K group, which includes the KNPLF, KNU/KNLA, and the PDF attacked together.

The Karenni region, which is located close to Nay Pyi Taw, where the coup leaders are based, is an area of strong armed resistance to the military council, and the military council sends military planes and bombards almost every day.

Source: Myanmar Now

Translated: Tongsan Admin Team

Hits: 0