America kumpi, U.S. Department of Homeland Security (DHS) in Tawmvei Kepbitna (Temporary Protected Status -TPS) kici a lakhiatna hangin, US gam sung a om Myanmar gammi tampite Myanmar gamah ciahkik pelmawh dinmun ah om ta uh hi.
U.S. Department of Homeland Security (DHS) in a lakkhiat hih TSP deihna pen Myanmar gam dinmun hoih mahmah (gal kikapna veng ta) cihna hi a, a gamah suaktatak ciah kik thei ta cihnopna ahi hi. Ahi zongin U.S. State Department in a tangkona leuleu ah US gammite peuh mah Myanmar gamah khualzin hetloh ding leh leitung ah a lauhuai gam sazian a ciamtehna sungah Myanmar gam zong Level 4, ah ciamteh uh hizel hi.
Temporary Protected Status (TSP) a lakkhiat hunin Myanmar gam dinmun pen gal kidona/ lauhuaina om nawnlo ci-in, U.S. Department of Homeland Security (DHS) in a ngaihsun uh ahi hi. Myanmar gammite US gam sungah tawmvei om theihna (TSP) akilakkhiatna thubulpite pen Myanmar gam dinmun abeisa hun khat lai tawh kilamdang mahmah hi ci-in, gensiatna leh langgenna zong kiza toto hi.
U.S. Department of Homeland Security (DHS) in hih bang thubul kicianlopi khawng gen thei uh himawk hiam? Hih pen US kumpi thukhun leh dinmun takpi mah ahi diam? Kawlgam ukna buluh (SAC/SAM) khit zawh US gamah a tung Myanmar gammite vai haksa tuamtuam hang tawh i gam a caihkik ngamlote dalna / kepna ((Temporary Protected Status -TPS) kici pen abeisa US President Joe Biden hun lai May 25, 2025 ni-in TPS sazian sungah kikhum / kikoih ahi hi.
US Department of Homeland Security (DHS) Secretary Christine Lagarde in Myanmar gam dinmun pen hoih mahmah ta ahih manin, a gammite ciah kik thei ta ding dinmun ah om ta ci-in genkhia hi.
Hits: 5