June 18, 2025 nitak lamin Iran in Israel khuapi Tel Aviv ah missiles tang 370 kiim lawn uh hi. Israel lam pan Iran thuk kik dingin US President Donald Trump leh galkap uliante minutes 80 sung Thukin Kikupna (urgent meeting) nei uh a, nai 24- 48 sung galdo ding tawh kisai khensatna nei ta ding uh ci hi.
Iran makaipi Ayatollah Ali Khamenei in US in Israel huhin hong do uh leh ko, zong cik mahin ka khawl kei ding uh a, bomb tang khat hong lot ngelngel leh US gambup kisiamang ding hi, ci-in vauna / tawnna kampau khia hi. Donald Trump in zong thudam tawh gal venna / kilemna dingin kikuppih masak dingin gen a, ahi zongin Iran makaipipa Ayatollah Ali Kamenei in a Nuclear uh a suksiatnop kei teitei leh nai 24-48 sungin Iran busim in zancip sak dingin kikhensat ding pulakna nei hi.
US President Donald Trump in bel Iran makaipa Ayatollah Ali Kamenei’ kibukna mun zong thei ahih manin, tua kammal in Kamenei zo gawp pah ding cihna hi loin, “Kipia ngei lo ding,” a cihna tungtawnin hong pai lai ding ni 2 sungin US in Iran sim mai thei ding ci hi.
Tua manin US in Teheran khuapi pan tai 125 gamla a om Nuclear bawlna mun Fordow site pen lei nuai pi 200 a thukna ciang dong a puakkham sak thei Massive Ordnance Penetrator (MOP) bomb namte tawh suksiat/ kanzan sak dingin genkhia ci hi. Tua leisung tawng kapzanna MOP bomb pen pi 20 sau-in pound 30,000 gik a, Iran nuclear site a susia zo ding tua namte bek om hi ci-in, News te’n genkhia uh hi.
Hits: 0