Sagaing Division, Monyua leh Chaung U khua kikal a om Bonto khuano ah abeisa October 6, 2025 ni-in Kawlte’ Khuado meivak pawi bawlna ah nitak lam 7:00pm hunin Ukna buluh (SAC) pawlin machine-gunned parachute bombs khiat uh hi. Tua laiah a kihel mipi 22 sipah uh a, tuaa site’ sungah PDF galkap 4, leh lungphona makaipi 4 zong kihel uh ci hi.
Misi tawh kisai a nunung pen thukizakna-ah Chaung U huam sung pan 11, Monyua huam pan 11, hi uh a, a vekpi gawm mi 22 si hi. Chaung U PDF galkap 4 leh Lungphona nei khuamite 4 banah CDM sang sia 1 zong kihel uh ci hi. A khasiat huai pha diak ah innkuan khat sungah mimal 4 si uh a, kum nih a pha pan tanu leh kum 18 pha a tapa khat kihel cizen hi.
Uital (SAC) galkapte’n a kapna sungah a si Lungpho makaite’ sungah Comrade Chan Nyein Aung, Mg. Nyi Nyi Zaw, Mg. Kan Myint Lwin leh CDM sang Sia Zaw Lin Naing cihte kihel uh a, Comrade Chan Nyein Aung leh Comrade Nyi Nyi Zawte pen Sagaing Division sungah lungpho makaipite cih kiza hi.
Comrade Chan Nyein Aung leh Comrade Nyi Nyi Zaw te pen Spring Revolution sungah Monyua – Amyint Road Strike Leading Committee, Sagaing Strike Force makaite hi uh a, mipite tawh khut kilen in SAC ukna langpang te ahihna Sagaing Division mipite’n thusuahna nei uh hi. Misite khempeuh bel tuni October 8, 2025 ni-in vuina kinei ta ci hi.
Hits: 3