Chin State ah gal mai nawk a kuan Ukna sut (SAC) galkapte’ sung pan galkap lutthak mi 6 te, Thau lawng 2 tawh PDF/ CDF pawlte’ kiangah kipumpiak (Surrender) uh a, PDF pawlte’n sumtang MMK. Teng 150 pahtawina pia cih thu Kalaymyo a om Nuailam simtham nasem pawl (Under Gound- UG) pan makai khatin genkhia hi.
Tukha May 18, 2025 ni-in Kalaymyo a om SAC galkap phualpi pan Chin State lamah gal sim ding a kuankhia 500 valte’ sung pan a taikhia mi 6 te pen May 21, ni-in Kalaymyo khua sung a om nuai lam pan simtham nasemte (UG) tawh kithuza uh a, a lem ciangin lut sim ziau cih kiza hi.
Tua a kipumpiak (Surrender) SAC galkap 6 te pen 77th Division ukna nuai a om 391st Infantry Battalion pan Training course No. 7, 8 masate ahi uh hi. Amau lawmta tengin MA-3, Thau lawng 2, Khutlot bomb tang 5, thautang tang 476, Thautang bawm (Ammunition box) 14, adang galvan hon khat keng uh ci hi. Tua bangin galvan tawh a kipumpiak uh SAC galkap thak 6 te pen pahtawina sum MMK. Teng 150 pia uh a, muan huaina mun lamah puak in limtak kem suak uh ci hi.
” Amau mi 6 te’n Thau leh galvante tawh hong lut uh ahih manin, UG pawlte in zong sumtang MMK. Teng 150 pahtawina danin kipia hi. SAC te’n bel zawh thawh thu tawh galkap lutsak uh a, luang kham in galsim sak mawk uh ahih manin, SAC galkapte in amau omna tawh kinai pen a om PDFs kicite kiang CDM lutin kipawl nuam uh hi. Galvan keng kawmin hong lutzo uh leh hoih zaw semsem lai ve” ci-in Kalay Urban Lost Project (UG Team) pan makai khatin gencian hi.
Hits: 6