America gam bulphuh Chin Peace and Reconcialiation Initiative (CPRI) te’ makaihna tawh Chinland Council, CNF/A, ICNCC, Chin Brotherhood teng leh Mizoram State, Chief Minister in December 10, 2024 nitak in kilemna ding vai kamkupna leh ankuang umna nei khawm cih kiza hi. Hih Chin Peace and Reconciliation Initiative (CPRI) pen America gam a om Chin biakna kipawlkhopnate ahi; CBANA leh CBCUSA te’ vaihawmna tawh akiphuankhia kipawlna khat ahi hi.
Tua Tutkhopna leh ankuang umkhopna hunah Mizoram State, Chief Minister in Chin/Zomi minamte pen mipha zah a tam hetlo nam ahih manin, khat leh khat kitelsiam leh kipumkhatna ding thute genkhia hi. Hih Chin Peace and Reconciliation Initiative (CPRI) lam pan Vice President, CBCUSA General Secretary Rev. Dr. Ceu Lian Thangte kihelthei uh hi. CPRI President ahi CBANA General Secretary Rev.Dr. Biak Lian Thang bel kihelthei lo ci hi.
Mizoram State pan kumpi a hilo mipi kipawlna ahi Central Young Mizo Association-CYMA), Mizo Zirlai Pawl (MZP), Mizo Students of University), Zo Reunification Organization (ZORO) cihte akipan makai 58 kihelthei uh cih kiza hi.
Hits: 0