(47) na ding US President telcing J. Donald Trump in ama kumpi sep hun sungin Thailand gam a om Kawlgam mi galtaite USA pai theina lampi khak thei kha ding ci in The Nation Thai newspaper ah nasem khat ahi Phil Robertson in gen hi. Abeisa hunin USAPresident kitelna ah telcing Republic Party te in galtaite panpihna ding tawh kisai phiat khia (Cancelled) thei ding cih tawh kisai Phil Robertson in The Nation Thai newspaper ah gen hi.
Thailand gamah gambel (Galtai) Kawlgammi tulsawm guk (60000) val om a, tua galtaite pen USA leh gam tuamtuam ah kipuakkhin thei hi leh amau omna mun leh mualte kikhak ta ding cih thu Thai kumpite leh tulaitak teelcing US Republic Party te in thukimna nei uh ci hi. US President thak Donald Trump hun sungin gam dang pan akisam gambel mite’ tung pan siah (Tax) piakna percent (10%) bang kila ding cih zong Phil Robertson gen beh hi.
Tua a deihna pen American vante a kileina ah thupi ngaihsutna ding leh Thai gam pan akila van te in gam sung a buaisakloh nading deihna ahi hi. Donald Trump in mee kiteel ma camping bawlna a gen mah bangin, America ah Kum tampi om hangin American gam mi hihna (citizenship) a ngahlote kiman/ thukibawl bek tham loin, amau pianna gam ciatah puak kik ding cih thu pen a taktak in a sepkhiatzawhna dingin ahanciamna khat zong hi ci in Phil Robertson in genbeh hi.
Hits: 4